Page 151 Saturday
Cecilia... mahal na mahal kita. Nararamdaman ko nang malapit na ako mawala. Buwan na lang talaga. Sana kapag wala na ako, aalagaan mo ang sarili mo, a. Huwag kang magpapasaway. Ayaw kitang saktan kaya ililihim ko ito sa 'yo. Mahal na mahal kita. Ikaw ang dahilan kung bakit nagkaroon ng kulay ang buhay ko. Pinasaya mo ako. Sobra. Labis-labis. Pero ang nakakainis lang, kung kailan mahal na mahal na mahal na mahal na mahal na kita, saka naman ako babawiin ni Lord. Kaya sana kapag nasa langit na ako, huwag kang malulungkot, a. Don't worry, hindi na ako magmumura do'n. Tsaka araw-araw na akong magsisimba ro'n.
