Page 42 Friday
Nakita ko si Cecilia na kausap 'yong ex niya. Alam ko na ang mukha ng lalaking 'yon dahil ilang ulit kong nakita sa wallpaper ni Cecilia. Nag-aaway na naman sila. Pero base sa nakita ko kanina, ayaw na talaga ni Cecilia sa relasyon nila. Natuto na rin siya. Niyakap siya no'ng lalaki. Kumalas siya. Tapos sandali silang nagkatitigan. Bigla na lang sinampal si Cecilia. Nanlaki mata ko no'n. Malayo sa una kong reaksyon no'ng matanaw kong nag-aaway sila. Naihakbang ko na nga ang isa kong paa pero naisip ko na wala akong pake. Kaya hinayaan ko na lang.
