That Girl Is Mine (COMPLETED)

Chapter 67

Nash's POV

Kasalukuyan kaming bumabyehe kasama ko si Aya na lasing na lasing. Ayaw nyang magpahatid sa bahay nila kasi ayaw daw nyang makita sya ng ganun ng Papa nya kaya naisipan kong sa condo ko nalang sya ideretso kesa sa bahay.

Habang tahimik kong binabaybay ang kalsada ay bumalik ang sa isipan ko ang mga nangyare kanina dun sa sementeryo.

Halos sumabog ang dibdib ko sa sobrang lakas ng tibok ng puso ko dahil sa kaba. Mabilis kaming nagpasok sa kanya kanya naming kotse ni Jiro. Pagkalabas na pagkalabas namin sa gate ng sementeryo na yun ay agad kong tinawagan si Jiro.

"Jiro. Dumiretso ka na sa inyo. Wag ka ng kung saan saan pumunta lalo na ng gabi."pagpapaalala ko sa kanya. Sa amin kasing tatlo, ako parati ang nagpapayo at nagpapaalala sa bawat isa. At nakikinig naman sila sakin. Pero nung nasira yung relasyon namin noon, nagkanya kanya na. Ewan ko kung susunod sya sakin ngayun.

"Ikaw din, Bro. Mag iingat ka."napangiti ako ng bahagya at medyo nabawasan ang kaba ko dahil sa sinabi nya.

Napabuntong hininga ako sa isiping iyon. Sino naman kaya yung nakamaskara na tumulong samin? Bakit nya yun ginagawa, at bakit kelangang nakamaskara pa sya? Ayaw nya bang makilala namin sya? Natigil ang pag iisip ko nung biglang gumalaw si Aya.

"Hmmm. Jiroo."mahina man ang pabulong nyang yun habang tulog ay alam kong si Jiro ang tinatawag nya. Hindi nga pala alam ni Jiro na kasama ko si Aya ngayun. Hindi naman kasi sinabi ni Sophia na kung anong importante eh. Saka nataranta kami kanina dun sa grupo ng kaaway namin.  Nagpatuloy nalang ako sa pagmamaneho at pilit inalis lahat ng mga isipin ko.

Pagkadating namin sa harap ng condo ay agad akong bumaba at inakay papalabas ng kotse si Aya. Medyo mabigat sya ah. Akay akay ko sya hanggang papasok sa loob. Napatingin pa sakin si Ateng nagbabantay sa station dahil may bitbit akong babaeng lasing.

Pagkapasok ko kay Aya sa elevator ay agad ko ring pinindot ang floor kung nasaan ang  condo ko. Pagkalabas dun ay akay akay ko na naman sya papasok ng pintuan.

Inihiga ko sya sa kama ko pero tulog parin sya. Hindi man lang bumiling biling o umunat man lang. Pinagpawisan ako ng sobra kaya naman pagkatapong ko ng phone ko sa table ay agad akong pumasok ng banyo at sinimulang maligo.

Pagkatapos nun ay nagsuot lang ako ng towalya sa ibabang bahagi ng katawan ko saka ako lumabas ng banyo. Kukuha na sana ako ng damit na isusuot ko nung marinig kong nagba-vibrate yung phone ko. Bakit nakavibrate mode na yun. Dapat ringtone yun, diba? Lumapit ako dito saka binasa ang tumatawag. Si Sophia. Sasagutin ko na sana ang tawag nang may biglang kumatok sa pinto ko.

"Sinong kumakatok? Wala naman akong inaasahang bisita ngayun."hindi ko sinagot ang tawag ni Sophia at hinayaan lang iyong magvibrate sa kamay ko. Dahan dahan akong lumapit sa pintuan at saka iyon binuksan.

d⊙_⊙b

"Jiro? Jarren? Oh? Anong ginaga--"hindi ko natapos yung sasabihin ko nung magpakita si Sophia sa likod ni Jarren. Nakalagay sa bandang tenga nya ang phone nya at mukhang inaantay na sagutin ko ang tawag. Napatingin sya sa hawak kong phone na nagba-vibrate kaya naman napalunok ako. "S-Sophia. B-bakit andito--"

"Nasaan si Aya!?"singit ni Jarren. "Saan mo sya dinala? Bakit ganyan lang ang suot mo? Anong ginawa mo!?" sa pananalita nitong lalaking ito ay mukhang hinusgahan na nya ako at sa mukha din ni Sophia at Jiro ay mukhang ganun din ang naiisip nila.

The fuck!

"Kung ano man ang iniisip nyo, nagkaka--"

"Kung ganun asan sya?"tanong ni Jiro.