بعد بيَنا وگاحة طيشَ ، تعال شما حچو عنا
أنه متانيك نار و برزخ و جنة ✨
" اذا هل مكان ما معشعش بي جن اني معتب "
تكلم ثائر بحنق يدور بالبقعة ذاتها بشكل منزعج
يناظر بعدها الأجواء الي نحشرو بيها و الأحداث
الغريبة الي قاعد تصادفهم من قريب الساعتين
" دكافي أبن الخره مو نشفت دمنا "
جاوبه ذمار بشكل أنفعالي من كرر هل كلام أكثر من مرة و بدوره كان يؤمن بيهم بطريقة معينة و فكرة تواجدهم بالمحيط مو مريحة أبداً
" ماكو تغطية ، السيارة تنحرت علينا و الهوى
يسولف بعد بس يركصولك چوبي حتى تصدك "
تحدث ثائر من جديد بينما يبزق ناحية الأرض بقرف
فعلياً بوقت قريب على الفجر و بالمنطقة الصحراوية الي كانوا يتواجدون بيها السيارة عطلت بشكل مفاجئ و أنقطع بيهم السبيل بحكم بعد المسافة عن المدينة بالإضافة أنُ المكان ما بي أبراج للشبكة و الأتصال
" ما بيها شيء "
نطقها أمير يستقيم على حيله من كان منسدح تحت السيارة يشيك على المحرك بمسافة قريبة
و ساطور الي جالس بشكل خارجي بالمقعد الأمامي
يدخن بنوع من الهدوء الي كانوا معتادين عليه هذي الفترة بأختلاف سوابقه
نشدت أنظارهم بشكل تام ناحية الطريق الوحيد الي مبلط
كان الفرج ، شاحنة بموديل قديم توقفت فجاة بدون ما يأشرون للسايق حتى
" السلام عليكم "
نطقها الرجال البدين ناحيتهم بعد ما نزل من شاحنته
بسبيل يساعدهم و يشوف الي موقفهم بهل شكل وسط المكان هذا الي نادراً ما يلمحون أحد بي
" خير نشاءالله شبيها المحروسة "
تكلم بضحكة من جديد بعد ما جاوبو بالتحية
موجه كافة كلامه للرجال الي أستقام من مجلسه
يتجه ناحيته بجمود و أبتسامة صفره و غريبة
" مخلصين بانزين ، القى عندك يالغالي "
تحدث ساطور بشكل ودي من تقرب على صاحب الشاحنة بشكل كبير واضع كفه أيده بجيب بنطاله
بنوايا خبيثة و تعابير جامدة
" باقي عندي كم لتر و مو خسارة بيكم
أهم شي تدعولنا "
جاوبه الرجال يلتفت ناحية صندوق شاحنته بعد ما ناظر للثلاثة الي واقفين خلف الشخص الغريب ذاتهم الي عقدوا حواجبهم بترقب و كانت فكرة وحده مطروحها وسط هل حوار ، أي وقود كان يتحدث عنه الثاني ، السيارة ما يعرفون شنو الخلل الي بيها حتى و يحتاج سمكري يفهم بالأنواع الي تشابهة
