صدگ تحسبْ عَلي جيّه ، غريبة شَذكرك بيه ! ✨
مثل طوي الورق كانت رائحة البدايات تشع بداخله شعور مبهم راوده تفاوت بين الحماس و الأشتياق ويا منظر مكتبه المقفل و الي تفرغت الأدراج بي و نجمعت الكتب كذلك بصناديق صغيرة كانوا العمال ينقلوها لسيارته من حوالي الساعة
" مادريت بيك هيج مستعجل من يومين حجينا بالسالفة"
ألتفت بخفة على صوت جمال الي نبس بأستغراب من عجلة كان بيها المعني و هو توقع الأمر يأخذ مجرى أشهر على الأقل
" طيارتي باجر مو مال أماطل بيها بس مثل ما وصيتك ديربالك على المكان ، بأمانتك جمال "
شدد على أخر كلمة بينما أخذت عينه نظرة سريعة و بكل جزء و طابق كان الها ذكرى كانت هذي المستشفى حصيله تعب سنين طويلة قضاها وحيد ويا كتبه
" لا تشيل هم قابل جديد شوف التسخت مالتك جاب فايدة صرت خبرة بالأدارة" أتم جمال كلامه قاصد نفسه واقعياً بمصادفة بعض المشاكل هو أعتاد على مواكبة الثغرات و التصرف بشكل حكيم أكثر بسبب المسؤولية الي كانت أغلبها على عاتقه
" ما تكدر اذا ما تذب حجي بعدين لا تخاف نتواصل كل أسبوع و أشرف عليكم من بعيد " خرج فراق من المكتب يقفله أثناء ما رد على الواقف بجانبه و هذا الجزء تحديداً محتمل يكون متعب بس هو مجبر بعد كلشي
" سهلة هاي يلة أترخص اني "
عاين أنسحاب جمال من جانبه و ما أن شد تركيزه على أنظار المعني لمح هو وقفة ريام قبالتهم بهالة من التوتر الطفيف
" شلونك دكتور ؟ "
بأقرب ما يكون للرسمية نطقتها هي تعتدل بوقفتها ما أن غدوا وحدهم بمنتصف الممر و عقب أيام مرت بالفعل بدون ما تشوفه بالأرجاء
" الحمدلله ريام و انتي ، عجبج المكان "
جاوبها فراق بأعتيادية بحتة و بشكل ما غدى القدر يثير الشفقة حولهم و الضحك كذلك من رجوعهم لنقطة مبهمة قريبة من الغرباء
" أكيد أحسن من الحكومي تبهذلت بالتطبيق هناك "
تكلمت هي متذكرة المسافة بين منزلها و المستشفى الي طلعت الها قبل لا تتحدث ويا فراق بطلب نقل
" عرفت بيك راح تسافر گلت أسلم عليك يعني ما صارت فرصة أقولها بس شكراً على شغلة النقل حيل ساعدتني "
أكمل ما ان فاتت ثوانِ من السكوت بينهم و بالرغم من الفترة الي مضت على وجودها هنا بس ما صادفت و أن لمحت فاضي بسبيل تشكره
" هذا أقل شي أكدر أعوضج بي "
رد عليها بطفيف أبتسامة من كان على أدراك تام بكم الألم الي سببه الها بوقت فات و كثير أشياء لو رجع الزمن بي ما كان كررها
