قِل للهِلاَكَ ودَاعِاً فُراقَيَ
سِربَ الدمَارَ بِعيَناكَ والهوَىَ كَتيبُ
رمى كوب القهوة الورقي بسلة النفايات متجه عقبها يجلس لمجلسه من جديد على ذات المقعد منتظر لساعة موترة مضت بين مراقبة الناس و التفكير بطفيف أبتسامة كان صعب يخفيها و مع كل المعاناة الي عاشها بهذا المكان غدى الفاصل لرحيله دقايق أخرى أضافية
" أكعد كافي خزيتنا "
نشد أنتباه على سخط العجوز بالكرسي على جنب منه و الي كانت تتحدث مع طفل صغير و من الواضح كونه حفيدها أو ما شابه
" تعال أخذها "
أمسك فراق الكرة الي كان الصبي يرميها بعشوائية تسقط عند قدمه أخيراً و بالفعل أتخذت خطوات الطفل لعنده يسحبها منه بلطف
" أعذرنا ضوجناك ، تدري طفل و ما يركد"
تكلمت العجوز بأحراج من تصرفات حفيدها بالوقت الي شارف على أسقاط كوب كهوة المعني مرتين من قبل بكثرة حركته
" لا ماكو أزعاج بس فرغ المكان تقريباً خاف مخربطين بالطيران ، يعني بقت وحدة " بالواقع كان المكان شبه فاضي أو الجهة الي جالسين بيها تحديداً و رجح لقلة الرحلات بهذه اليوم من الفجر او بداية الصبح
" أحنا مو على سفر كاعد ننتظر أبني "
جاوبته ملاقية همهمة بسيطة منه و الي بدوره ما أنطى للموضوع أهمية يرجع تركيزه على النصف ساعة المتبقية و الثاني ما بان أثره للان
" لك عيني هو شاف السويديات و تخبل لطش هناك و نوبة على وحدة صفرة ممسوحة مسح ، ما بيها شوفه"
رجع تركيزه على تكمله العجوز لكلامها بأستياء و حس للحظة بكم من السخط و عدم الرضا بيها وقت ما كانت تشكي الحال لعابر مثله
" يمكن علمود الأقامة هواي يسووها "
رد عليها بأبتسامة و بهذا وضعه ما كان راح يرفض اي حديث ممكن يجعله بحالة تلاهي عن الأفكار الي بدأت تغزو عقله أكثر
" لا يوليدي هو مقيم هناك صارله سنين بس تكول مسويتله سحر شايفها و مخترع "
تحدثت واضعه الطفل بحضنها و بأسلوب أحتجاجي كان متواجد بختام كلامها تنهد بيأس على أفكارهن مجملاً
أو هو ماحب أطلاقاً مجالسة كبار السن بسبب طريقة دوم ما أمتلكوها بشكل أقرب للحنق من كل شي
" لا هاي ما بيها سحر تلقي يحبها و عيونه نعمت "
جاوبها بلامبالاة يفتح جهازه بينما يفكر بنقطة اذا ما يتصل أو لا و هو ما قدر من كلام حسين الي نبه عليه بهل أمر حتى لو تأخروا لأخر لحظة
