گلبي ما رايد غريبَ ، يريدَ گلبك
گلبيَ تعبان و يحبك ✨
واقفين كلهم بهدوء غريب طغى لدقايق على الأرجاء
الأغلبية كانوا يناظرو تحديداً ، السكينة الي محاوطته و الجمود الي هو بي بينما يناظر المخازن المحروقة ما تطمئن بخير أو ما كانت تشير لأي شي أساساً ، صحيح الأماكن الي نالت منها النار بحدود الأربع ردهات مو أكثر بس مع هذا كان الوضع موتر
و مو وقته لهذا الضرر و ما عدهم وقت يصلحون أطلاقاً
خابروهم فعلياً العمال بسبيل يجون يشوفون الكارثة الي صارت و كانوا بحال قلق و حتى النيران طفوها بصعوبة بالغة ، من الي فهمو كون مجموعة أشخاص أقتحمت المكان بنص الليل و حرقته
بدون سبب واضح و بوقت مفاجئ
" الردهات بيها كيمياء "
تحدث ساطور برود ناحيتهم بعد ما أتجه للمكتوب
بخط واضح و كبير نسبياً على جدار المخزن الرئيسي الي كان يتضح عليه كل شيء و واجهة
المكان بشكل فعلي
جني كان هنا...
أبتسم بهزء من تأكد كونه هو الي أفتعلها
حتى يحضر الحفلة ، أي طريقة تافهة هذي لأستفزازه يحاول يفعلها الثاني
عزة ما راح يخرج من القبر حتى يحرق كم مخزن فارغ و هاي أساساً حركاته و واضح كونه تقصد يحرقهن بوقت منتهي التوزيع بي حتى ليسبب اله اي ضرر
" لا زعيم ، بس گواني الطحين
خلصنا توزيع من يومين "
( گواني = أكياس كبيرة )
تكلم واحد منهم ناحية الي واقف بأستقامة وأيده معقودة للخلف بشيء من الترقب ، كانت هذي المخازن قدام الناس و الحكومة هي للطحين و تجارة عادية و هما بدورهم يدفنون البودرة و الگودافين الخام بداخل أكياس الطحين هذي و لذلك حتى لو صار تفتيش ما راح يلقون و هذا شي بعيد لانها منطقتهم و تعتبر محضورة بعض الشيء
" أجمع الولد بليل "
تكلم بهدوء ناحية ثائر الي رفع حاجبه لثواني
هو ما غضب من الي صار ! و لا حتى باينة على ملامحة وتيرة أنزعاج أو شيء على العكس بارد تماماً
" فكيت الحصار و راح نسهر ! "
جاوبه بتعابير فرح و تعجب من حس كون راح يسوون شي أخيراً خارج الشغل ، هما كانوا متعودين بين وقت و الثاني يطلعون أو يحجزون ملهى لـ ليلة و أحياناً حتى سفر بس من فترة و هو مسددها عليهم لدرجة يفترون من مكان لمكان
و حتى الي عدهم عوائل بطلو زيارات من فترة
