မျန်ရဲ့ဝိညာဉ် ကူး​ပြောင်းလာတယ် ||မြန်မာဘာသာပြန်||

[7]

[Unicode]

007:သား​ကောင်အတွက် အငြင်းပွားကြခြင်း

ချင်မျန်က သူ့နှုတ်ခမ်းတွေကိုလျက်လိုက်ပြီး သဲလွန်စအ​နေနဲ့ အဆီ​တွေ မကျန်အောင် ကြိုးစားဖုံးဖိ​နေလိုက်သည်။သူ့အဝတ်အစားတွေကို ကြည့်ရင်း ပါးစပ်ကို ကြာရွက်ဖြင့် သုတ်ဖို့သာ ရွေးချယ်လိုက်သည်။သူ့ပါးစပ်မှာ အဆီတွေမရှိတော့တာမို့ ကြာရွက်ကို လွှင့်ပစ်လိုက်သည်။

လဲ့ယ်ထျဲက သူ့လှုပ်ရှားမှုများကို သတိပြုမိကာ သူ့မျက်လုံးများက  တခဏမျှ လှုပ်ခါသွားပြီး အောက်နှုတ်ခမ်းကိုဖိလိုက်သည်။
နေဝင်ချိန်၌ အဝါရောင်သမ်း​နေသည့်နေရောင်သည် တိမ်တိုက်များကိုဖြတ်၍ ဖြာထွက်နေပြီး တိမ်များကို ရောင်စုံဆိုးဆေးများဖြင့် ပြန်ဆိုထားသကဲ့သို့ တောက်ပနေ၏။ကန်အတွင်းရှိရေတို့က အဆက်မပြတ်စီးဆင်း လွင့်မျောနေပြီး ရေကန်​ပေါ်တွင် အဝါ​ရောင်​သန်းနေသည့်နေ​ရောင်တို့က ထင်ဟပ်နေသည်။ငှက်အုပ်တစ်အုပ်သည် ကောင်းကင်ယံတွင် ပျံဝဲကာ စူးရှသော တေးသီချင်းသံတို့ကို ချန်ထားခဲ့သည်။လယ်ကွင်းထဲတွင် စည်ကားနေသော လူများသည် မမှောင်မီ အိမ်သို့ အမြန်ပြန်သွားကြ၏။အလုပ်ပြီးရင် အိမ်မှာ ကောင်းကောင်း အနားယူနိုင်ဖို့အတွက်​ပေါ့။ပူပင်​သောကမရှိ ခပ်ဆိုးဆိုး ကလေးငယ်တွေကသာ လယ်ကွင်းထဲမှာ ပြေးလွှားဆော့ကစားနေကြ၏။ရံဖန်ရံခါ ပျော်ပျော်ကြီး ရယ်မောကြပြန်၏။မ​တော်တဆ ချော်လဲရင်တောင် ဂရုမစိုက်ဘဲ ကစားပွဲကို ဆက်လက်ကစားနိုင်ဖို့အတွက် ပျော်ရွှင်စွာ ပြန်ကုန်းထကြပြန်သည်။ပြောစကားနား​ထောင်တတ်သည့် လိမ္မာတဲ့ခွေးအချို့ကလည်း သူတို့ရဲ့အမြီးများကို လှုပ်ယမ်း​နေပြီး သွက်လက်စွာ ပြေးလွှားနေကြသည်။

လဲ့ယ်ထျဲက စကားပြောရတာမကြိုက်သလို ချင်မိန်ကလည်း သူ့ကို စကားမပြောဖြစ်ပေ။သူ့က လေးကို ကြည့်လိုက်သည်။လေးကိုယ်ထည်သည် မီးခိုးရောင်ဖြစ်ပြီး မည်သည့်သစ်သားဖြင့်ပြုလုပ်ထားသည်ကို သူမသိသော်လည်း အထူးသဖြင့် ခိုင်ခံ့ပြောင်မြောက်ပြီး တောက်ပြောင်နေပုံရသည်။မကြာခဏ ဆေးသုတ်ပြီး ထိန်းသိမ်းခံထားရသည်ဖြစ်ပြီး ပိုင်ရှင်က မြတ်နိုးတန်ဖိုးထားသည်ဟု ဆိုလိုခြင်းပင်။ကျည်တောက်ကို မီးခိုးရောင်အထည်ဖြင့် ပြုလုပ်ထားပြီး အပ်ကဲ့သို့ သန့်ရှင်းတောက်​ပြောင်နေသည့် မြှားဆယ်ချောင်းလည်း ပါရှိ၏။