မျန်ရဲ့ဝိညာဉ် ကူး​ပြောင်းလာတယ် ||မြန်မာဘာသာပြန်||

[28]

[Unicode]

028:အလို​လိုက်​ပေးခြင်း

ချင်မျန်သည် ငွေ​တွေ အများကြီးရှာနိုင်ခဲ့​သော​
ကြောင့် စိတ်အ​ခြေအ​နေမှာ အထူးကောင်းမွန်နေ
သည့် အ​ခြေအ​နေတွင်ရှိ​နေ၏။လဲ့ယ်ထျဲမှာ အမူအယာကင်းမဲ့လျက်ရှိ​နေ​သော်လည်း သူ့ရဲ့စိတ်အေးလက်အေးရှိ​နေပုံမှာ သူသည်လည်း စိတ်အ​ခြေအ​နေကောင်း​နေကြောင်း ပြသနေသည်။ချင်မျန်က ရေနွားသိုးတစ်ကောင်ကို ဦး​ဆောင်​ဆွဲခေါ်နေစဉ် သူဝယ်ခဲ့သော ပစ္စည်းများအားလုံးကို သူ့(လဲ့ယ်ထျဲ)နောက်ကျောတွင် ထမ်းကာ လမ်းလျှောက်နေရင်း ချင်မျန်က​တော့ဖြင့် ထိုနွား​သိုးပေါက်၏ လည်ပင်းနှင့်ကျောတို့ကို ရံဖန်ရံခါ လာပွတ်သပ်​ပေးနေသည်။ထိုနွားသိုးသည် အကျင့်စာရိတ္တကောင်းမွန်ပြီး နှောင့်ယှက်ခံရမှုကိုလည်း စိတ်မ၀င်စားပေ။ရှေ့သို့သာ ဖြည်းညှင်းစွာရွေ့လျားနေပြီး သက်​တောင့်သက်သာရှိစွာဖြင့် ၎င်း၏အမြီးကို ရံဖန်ရံခါ လှုပ်လှုပ်ရှားရှား လှုပ်ယမ်းလိုက်သေး၏။

လဲ့ယ်ထျဲက အံ့သြတကြီး ကြည့်နေသည်။ချင်မျန်က သူ့ကို ပြုံးပြပြီး ဆက်ပွတ်သပ်​ပေး​​နေရင်း ငြင်းနိုင်ဖွယ်မရှိသည့် စကား​တွေကို ဆက်​ပြော​နေသည်။ “ကျွန်တော်က သူ့ကို ယဥ်​အောင် ပြုစုပျိုးထောင်ပေးနေတာ။ယဥ်သွားရင် မြို့ထဲကို မြင်းလို စီးလို့ရတယ်။”

ခုနက ဈေးထဲမှာ မြင်းတွေမတွေ့ခဲ့ရဘူး။တကယ်တော့ သူတို့ရှိ​နေတာက ရှေးခေတ်က ခေတ်နောက်ကျသည့် အချိန်ကာလမှာလေ။စစ်ဘက်ဆိုင်ရာ အထောက်အပံ့အဖြစ် မြင်းတွေကို နယ်ချဲ့တရားရုံးက ထိန်းချုပ်ထားနိုင်ဖွယ်ရှိသည်။

လဲ့ယ်ထျဲက ခေါင်းခါပြီး နွားသိုးကို တစ်ချက်ကြည့်လိုက်သည်။ဘာမှပြန်မပြောဘဲ သူ့မျက်လုံးတွေက သူ့ဇနီးလေးရဲ့ပြုံးနေသည့် မျက်နှာပေါ်တွင်သာ ကျရောက်နေ၏။
ပြန်ရောက်လာဖို့ အချိန်က နည်းနည်းလေးလို့ အမြဲထင်ရသည်။ တောင်ခြေကိုရောက်ဖို့ အချိန်သိပ်မကြာလိုက်ဘဲ အောက်ဘက်ကရွာကိုမြင်နေရပြီ။

ချွေးများဖြင့် ရွှဲနှစ်​နေသည့် လယ်သမားများသည် စကားပြောနေစဉ် လဲ့ယ်ထျဲနှင့်ချင်မျန် ပြန်လာသည်ကို မြင်ကြသောအခါ လွန်စွာအံ့သြသွားကြသည်။နွားသိုးကို အထင်ကြီးအားကျမှု​တွေအပြင် မနှာလိုမှု​တွေ အတိုင်းသားဖြင့် ကြည့်​နေကြပြီး အသံတိုးတိုးဖြင့် သူတို့အ​ကြောင်းကို ပြောဆိုနေကြသည်။