မျန်ရဲ့ဝိညာဉ် ကူး​ပြောင်းလာတယ် ||မြန်မာဘာသာပြန်||

[56]

[Unicode]

056: ဖက်ထုပ်များ ပို့ခြင်း။

"ကျွန်တော်တို့ မနက်စာအတွက် အဆင်​ပြေတာတစ်ခုခုစားပြီး နေ့လည်ကျရင် ဖက်ထုပ်လုပ်စားကြမယ်လေ"

ချင်မျန်က​တော့ အလွန်ပင် စိတ်အားထက်သန်နေခဲ့သည်။ဒီနေရာကို သူ ကူးပြောင်းလာပြီးကတည်းက ဖက်ထုပ်စားရတာ ဒါပထမဆုံးပဲ။

"ဖက်ထုပ်?" လဲ့ယ်ထျဲ သူ့ကို နားမလည်နိုင်စွာ ကြည့်နေသည်။ချင်မျန် အံ့သြသွား၏။ဤ အချိန်နှင့်နေရာတွင် ဖက်ထုပ်ကဲ့သို့ အရသာမျိုး မရှိတာပဲလား?

"နောက် သိလိမ့်မယ်။"

“ကောင်းပြီ။”

လဲ့ယ်ထျဲ ခေါင်းညိတ်ပြပြီး တောင်တက်ဖို့ စိတ်ကူးကို စွန့်လွှတ်လိုက်တော့၏။ဆောင်းရာသီပွဲတော်သည် သူနှင့်သူရဲ့ဇနီးလေးတို့ ပေါင်းစည်းပြီးနောက် ကြုံရသည့် ပထမဆုံးသောပွဲတော်ဖြစ်သောကြောင့် စနစ်တကျ ကျင်းပသင့်သည်​လေ။

ချင်မျန်သည် လဲ့ယ်ထျဲ ပြင်​ပေးထားသည့်ပါဝင်ပစ္စည်းများဖြင့် ခေါက်ဆွဲပြုတ်သာချက်ခဲ့၏။မနက်စာစားပြီးနောက် သူ ဖက်ထုပ်အစာသွပ်ရန် ပြင်ဆင်နေစဉ် လဲ့ယ်ထျဲကို​တော့ မုန့်ညှက်နယ်ခိုင်းထားလိုက်သည်။သူ့အဖွားက ဝက်အီကြာနဲ့ ဖက်ထုပ်လုပ်ပြီး blindweed ပါ သိပ်ထည့်​လေ့ရှိတာကို သူ ကောင်းကောင်း မှတ်မိ၏။ blindweed က လတ်ဆတ်နူးညံ့ပြီး ဝက်သားသည်လည်း အရသာရှိကာ။ရောစပ်လိုက်တဲ့အခါ အရသာက အင်မတန် တမူထူးသွား၏။

[T/N:blindweed က မြန်မာလိုမသိ ပုံစံက ကန်စွန်းရွက်နဲ့ ကန်စွန်းပွင့်တွေလိုပဲ]

အီကြာ​ကွေးချောင်းတွေ လုပ်ရတာ အရမ်းဒုက္ခရောက်ရသည်။ချင်မျန် ဂျုံမှုန့်ကို ရေနှင့် ရောစပ်ပြီး ထိုအရည်ထဲသို့ ကြက်ဥ ရှစ်လုံးကို ထည့်ကာ အညီအမျှ ရောမွှေပြီး ဆီထည့်ထားသော အိုးထဲတွင် ဖြန့်ကြော်ကာ ကြက်ဥပန်ကိတ်များအသွင် ရောက်လာပါက အတုံးသေးသေးလေးတွေ လှီးလိုက်သည်။ထို့နောက် ဝက်သားကို အတုံးသေးသေးလေးလှီးထားလိုက်ပြန်၏။ blindweed မရှိသောကြောင့် အသီးအရွက်များကိုသုံးရန် ဆက်လှီးလိုက်၏။ဆား ပမာဏကို ချိန်မထည့်ခင် အိုးထဲသို့ လှီးထားတဲ့ ကြက်သွန်မြိတ် နဲ့ ဂျင်း တို့ကို ရောကြော်ပြီး တစ်ဝက်ကျက်တဲ့အထိ မွှေ၏။အညီအမျှရောစပ်သွားကြောင်း သေချာပြီးနောက် အရသာရှိတဲ့ ဖက်ထုပ်များဖြစ်လာရန် အစာသွပ်ဖို့အတွက် အဆင်သင့်ဖြစ်​ချေ၏။