မျန်ရဲ့ဝိညာဉ် ကူး​ပြောင်းလာတယ် ||မြန်မာဘာသာပြန်||

[3]

[Unicode]

003:မှော်နေရာလွတ်

"တော်​တော့,ငါဗိုက်ဆာနေပြီ" လဲ့ယ်တာ့ချန်က စားပွဲကို လက်ဖြင့် မြှောက်ရိုက်ချလိုက်ပြီး စကားပြောလိုက်သည်။

တုရှီသည်ကား လဲ့ယ်တာ့ချန်နှင့်စကားပြောသည့် အခါကျ အလွန်နူးညံ့နေ၏။ "ဒါဆို ကျွန်မလည်း ဘာမှမပြောတော့ပါဘူး။စားကြရအောင်လေ။"

ချင်မျန်သည် စားပွဲပေါ်ကို ကြည့်လိုက်ရာ ပေါက်စီတစ်ပန်းကန်နှင့် အရွက်စွပ်ပြုတ်တစ်ပန်းကန်ကို​တွေ့လိုက်ရသည်။ထိုအရွက်စွပ်ပြုတ်မှာ ကြည်​တောက်​နေလွန်းလို့ မျက်နှာပြင်ပေါ်တွင်ဝေ့ကပ်​နေမည့် အဆီလွှာကိုပင် ခက်ခက်ခဲခဲကြည့်ယူ​နေရသည်။ရှေးခေတ် တောင်သူလယ်သမားများ၏လူနေမှုအဆင့်အတန်း မမြင့်မားနိုင်ဟု သူမျှော်လင့်ထားသော်လည်း အံ့သြမိသွားရ၏။

သူ မှိန်းမိနေတုန်း ယောက်ျားတိုင်းက ပေါက်စီကို ယူလိုက်ကြပြီး အကိုက်ကြီးကြီး ကိုက်စားနေကြ​နေပြီ။ဒုတိယမြောက်ပေါက်စီကို မယူခင်မှာတင် ပထမ​ပေါက်စီကို နှစ်ကိုက် သုံးကိုက်လောက်သာ ကိုက်စားကြ​လေ၏။အရမ်းမြန်လွန်းတာပဲ။

ရုတ်တရတ် သူ့လက်ထဲမှာ ပေါက်စီတစ်လုံး​ရောက်လာတာ​ကြောင့် ချင်မျန်သည် လဲ့ယ်ထျဲဆီကို လှည့်ကြည့်လိုက်သည်။လဲ့ယ်ထျဲက သူ့ကို မကြည့်ဘဲ တိတ်တိတ်ဆိတ်ဆိတ်သာ စားနေခဲ့သည်။ချင်မျန်သည် တခြားလူတွေက ဝံပုလွေတွေလို အငမ်းမရစားနေကြပေမယ့် သူ့ဘေးနားက ဒီလူက​တော့ မြန်မြန်စားနေပေမယ့် အဆင့်အတန်းနိမ့်ကျနေတဲ့ပုံမပေါ်နေ​ပေ။တစ်ဖန် ချင်းမျန်သည် သူ့နှလုံးသားအောက်​ခြေထိ စိတ်ဓါတ်ကျသွားရပြန်သည်။

သူသည် အခြားစားပွဲဆီသို့ လှည့်ကြည့်လိုက်သည်။အမျိုးသမီးများသည်လည်း ထိုအတိုင်းသာ အတူတူပင် စားကြသော်လည်း စွပ်ပြုတ်က​တော့ အသီးအရွက်အနည်းငယ်မျှသာ ပါရှိသဖြင့် ပို၍ကြည်လင်နေပုံရသည်။

ဗိုက်က ဆာလာပြန်သည်။ချင်မျန်က ပေါက်စီကိုတစ်ကိုက် ကိုက်ကြည့်ပြီး​​နောက် မျက်မှောင်ကြုတ်လိုက်သည်။သူသည်ကား အခက်အခဲများကို သည်းမခံနိုင်သောလူမဟုတ်ပေ။သူ့မိခင်ဘက်က အဘိုးအဘွားတွေနဲ့ အတူနေထိုင်တုန်းကလည်း အနည်းဆုံး​တော့ ထောပတ်​ပေါင်မုန့် ဒါမှမဟုတ် ပေါက်စီကို စားလေ့ရှိပြီး တစ်ခါတစ်လေဆိုလျှင် မနက်စာအတွက် အစာသွပ်​ပေါက်စီကို​တောင် စားရလေ့ရှိသည်။နောက်ပိုင်းတွင် ချင်ရှစ်ယွမ်သည် ချင်မိသားစု၏ အသက်မွေးဝမ်းကျောင်းလုပ်ငန်းကို ကောင်းမွန်စွာ ထိန်းမတ်လာနိုင်တဲ့အခါ ဘဝသည် အနည်းငယ် လွယ်ကူလာသည်။ထို့အပြင် သူသည် စိုက်ပျိုးလို့ရ
သည့် နေရာလွတ်တစ်ခုကို အမှတ်မထင်ရရှိခဲ့ပြီး အရသာရှိတဲ့ အစားအစာတွေကို လေ့လာစူးစမ်းရှာဖွေရခြင်းကို နှစ်သက်လာသည်။ထို့နောက် ဘွဲ့ရပြီးတော့ အစားအသောက်ပရိုဂရမ်၏ ဓာတ်ပုံဆရာ ဖြစ်လာခဲ့သည်။