لمن القرار

توضيح بسيط

توضيح بسيط وده لمتابعين الواتباد
****
انا مش ذنبي يا جماعه انكم مش متابعني لا على صفحة " سحر الفيروز"
او الجروب الخاص بنشر أعمالي " روايات سهام صادق"

انا مش بدير صفحه الواتباد، "هاجر" مشكوره بتنزل الفصل اول ما بتكون موجوده لاني ساعات كتير ببعت ليها الفصل الساعه 1 صباحا فبينزل ليكم الصبح على 9 او 10..

انا بقدم أعذار اه كتير تمام، وعشان تقديروا ليكم لما أتعرض عليا اخلي روايه لمن القرار حصري ل دريمي قولت لاء قرائي صبروا عليا في الروايه ديه كتير استحاله بعد ما تعبتهم في المتابعه امسحها واديها للموقع عشان الفلوس
يعني زي ما انتوا بتستحملوا مواعيدي انا بقدركم، الفصل لو خلفت في ميعاده بينزل بعدها بيوم، لا بقيت بغيب بالشهر ولا بالأسبوع

وادخل واقول معلش استحملوني، انا الروايه ديه تخلص ، وفي عمل هقدمه وهوقف كتابه فترة اصلا لأني انا ك انسانه بدأت اتعب وعندي حاجات كتير موقفاها عشان الروايه

الفصل اللي بيتقري في 5 دقايق او 10 ويتقال عليه قصير.. بيتكتب في يومين
انا لا بحط كلام بيتلزق ولا بستصغر عقل القارئ ولا بحط مشاعر فيها خدش للحياء بطريقه لا تناسب مجتمعنا وبتقي الله على قد ما بقدر في كل كلمه بكتبها، بعيشكم الرومانسيه في إطار نضيق زي ما اتربينا في افلام ومسلسلات زمان حتى المسلسلات الاجنبيه والأفلام كانوا أعمال تحترم في قصصها غير حاليا، نضيف مشاهد سهل اي حد يكتبها والفصل هيتملي وهوب الفصل إكتمل بمشاهد فيها إسفاف

انا مش بضايق لما حد يقولي مش هتبعك وهنزهق ونبطل نتابعك والكلام الكتير ده، أنا حطيت اسمي في المجال ده لأني الحمدلله نعمه وفضل من ربنا نعم عليا الموهبة من غير ما افرض نفسي على المجال، اي قارئ بيقرا أعمالي بيقولي انتي كنتي فين من زمان، عندي متابعين من كل الأعمار ومن كل الدول العربيه ، الكل بيفتكر عمري كبير في الأربعينات مع أني في العشرينات ، بقدر اوصل لاعمار كتير.. حتى المراهقين اللي بيتابعوني جيل عنده مقدره قويه من الوعي.

اخيرا، شكرا على وجود الناس اللي لو كلمه وققه في زورها بتبلعها عشان بتقدر غيرها