#نقاش
عايزه أوضح نقاط بما إن الروايه بتنتهي (لم يتبقى سوى 4 فصول) ..
أنا هنا في روايتي او يمكن في جميع رواياتي الأخيره.. خيالي ممكن يكون إننا بنبعد عن الظروف الماديه شويه.. لكن مقدرش ارسم شخصياتي بأفوره
اه في ستات شخصيتها سلبيه، وفي ستات قويه تقفي تصقفي ليهم من كفاحهم وصبرهم وستات شغلهم ونجاحهم بينسيهم حياتهم وانوثتهم وبيضيع عليهم حياه بعد ما شعرهم بيشيب بيصيبهم الندم وهم بيدورا على ولادهم حواليهم
كل الواحد بيدفع تمن قراره في حياته لو مفقش بعد فوات الأوان.
لو جينا لشخصية" فتون وسليم ".. لو العلاقة انتهت..فتون هتكون الوحيده الخسرانه.. لأن سليم عنده كل حاجه تقدر تخلي اما يكتفي من الستات وينتبه لشغله اوعادي يتجوز لكن هي محتاجاه اكتر ما هو محتاجه
وهنا هو ده دورها عشان توصل لقرارها بتخبطها ومشاكلهم.. الحب مش ارض صلبه تقدري تقفي عليها.. بيضيع مع الوقت
حطوها قاعده في عقولكم.. للأسف الروايات بتاعت الحب الافلاطوني خلتنا نفتكر الجواز حب ودلع.. في ده بيتهيألي يعني 😂🤔 بما اني لسا سنجل 😂لكن لازم حنكة المرأة وذكائها.. وفطرتها اللي مليانه دفا وحنان وقوتها وقت الأزمه.
"جنات وكاظم ".. عمر جنات القريب من الثلاثون نضجها ونضالها في الحياة حتى الحب لم تحصل عليه بسهوله.. خلاها ذكيه.. بقت تفهم وتتعامل.. قبل ما تخسر حياتها، فاقت لنفسها وعرفت إن الدور بقى عليها.. راجل عملي زي كاظم.. حياته كانت معقده ميعرفش يعني إيه حب ورفضه من حياته .. هو كان عطش لشعور الست في حياته وهي كانت عطشه للكلام الحلو
هي كانت شايفه نفسها جسم فقط بالنسباله لكن لما تقبلت الدور وفهمت إن جوزها مبيعرفش يعبر عن مشاعره غير كده.. واحده واحده بقت تحاول تعلمه وتتعلم معاه إزاي يكونوا منطقه الراحه بالنسبه للبعض.
طبعا جنات مش ذكيه طول الوقت ومافيش حد فينا مثالي.. لكن الذكي بيحاول يصلح علاقته.
"بسمه وجسار "... موضوع الظروف الاجتماعيه خصوصا امر اخوها مش الفقر خالص.. هيفضل للأسف عالق في حياتهم إلا إذا كان راجل مقتنع بيها وده اللي هنعرفه من رد جسار في الفصل القادم وهي تكون ست قادره تقول للكل متلمونيش على حياه ماخترتهاش وترفع راسها من غير خجل.. شعورك بالنقص قدام غيرك بيخليهم يتلذذوا في قذفك بالطوب
باقية الشخصيات.. حصاد صبر.. حب كتير منا بيتمناه.
وجود الشخصيات الغامضه ليس إلا اضافه تشويق للروايه لكنهم ملهومش حكايه اصلا.. ما أنا مش كل حد في القصه هعمله حكايه
وللمره المليون.. انا مبكتبش لتسليه في حكايه مش هتطلع بيها غير بكلمه هو في كده حب هيييح .. تلفنا جيل بسبب الروايات التافهه.. محتاجين نكون واعين.. ناضجين متقبلين الواقع وفاهمين دورنا إيه
المركب مبتمشيش بقداف واحد لازم اتنين.. والحب من غير عطاء من الطرفين بيضيع.. والجواز مش حياه ورديه.. والست لو كانت سلبيه بتضيع اسره كامله.. أنا ك سهام بشوف ديما الست هي اللي بتقدر على التحدي.. الراجل بطبعه طفل مدلل
ف انتي سواء زوجه او مطلقه أو ارمله.. بدون نضجك ووعيك هيضيع منك جيل للأسف
انتوا اللي بتربوا الرجاله وامهات المستقبل✋
أنت تقرأ
لمن القرار
Romance* عالمه كان بعيد وموحش.. عالم مظلم تُغلفه الشهوات..شهوات كان يوماً يحتقر والده ويمقته علي انحداره فيها الي ان اتي اليوم الذي أصبح يسير فيه على خطاه ولكن كل شئ تلاشي في ليلة ممطرة مظلمة وكانت صحوة البداية * جاءت من قريتها بضفائرها وجلبابها البسيط وبر...
