و لي خلوة في رغد عيناك

بارت ٢

صونات لالاغم داك الصباح كانت قارية واحد جوج ديال لي موديل .. كتقرى فالمدرسة الوطنية للتجارة و التسيير راسمة طريق محددة هادفة توصل حتا للأخير .. ناوية تبع خطى جدها
تعگزات شي كيفيق شي .. مبوقين بالنعاس و شحال حلوة نعسة ديال الثنين عاد الغيام و الشتا اياياي ...

جبدات حوايجها من بلاكارها حاطاهم فوق الفراش .. ثم رجعات لريم كتفيقها حتا قبطات فيديها دازو للحمام دغيا قبل ميفيقو خوتها ادابزو عليه .. جمعات شعرها من القدام غسلات وجهها قضات اغراضها حداها ريم للي نيت كتمسح وجهها .. رجعو .. هي لبسات حوايجها هازا صاك-أدو فيه دفتارها و وريقاتها و ختها لابسة وحدة من السورفيتات ديال البارح جمعات ليها شعرها و دارت ليها للي بغات .. هزات ليها كرطابلها هابطين للتحت ..
ريحت الملوي عاطي كتسخنو حنين فاللاطة كتعيط بالجهد على الدراري للي خمروا .. متلاقات رغد غا مع باها باس لحنين حنكها دايز من حداهم كيشير ليهم زربان .. باينة تعطل .. هاز ساك ديال الغدا و معاه حتا لراشد للي عمروا متنسى ..

ضحكات رغد حشمانة كتحماق على جوهم .. فبالها هداك هو الحب ديال بصح و الزواج ديال بصح فقط .. الوجه الزوين للي فالصورة اما الوجه الخايب مفهماتوش واخا ليها ذكرايات .. غيبتها القديمة كانت "مجرد خدمة" اما على ازمتها النفسية ورا الاعتداء كانت مراعية لهاد النقطة و فاهماها فكبرها ..

گلسو حتا صونا لمها تيليفونها كانت حنان ..
- حنان : صباح النور ازين .. مصبحة عليك اختي شكون فحالك

- حنين : اهلا حنونة .. ههههه الله نهاري كي غيدوز .. فين مودة و لَيَان ؟

- حنان : صاڤا .. اعطيك الستر غنخلي عندك البنات اليوم .. عندي رونديفو مع القاضي حبيبي الزوين للي غيحكم لصالحي بإذن الله هههههه ندير ليه الطلاميس ..

- حنين روح : واخا هههه اسمعك راشد غيطلمسك ..

- حنان : من زمااااانووووو انا مطلمساه .. تلااااحي نشوف المجعورة خرجات لباااها نوجدها .. غنوصلهم حتا ترديهم معاك واخا ! حتا ادوز ليهم راشد مع الخمسة ..

- حنين : خللي نجيبهم مع ريم .. حتا تجيو ليهم بالخاطر

- حنان : صافي حتا هداك كلام .. الله اعاون اختي ..

قطعات ضارت عندهم .. تعرضات ليها رغد بضحكة ناطقة :
- صباح النور

شافتها ريم اش قالت حتا هي دوات فحالها : صباح النور ..

حنين : صباح زين هدا نفتح عيويناتي على الجمال .. (كتحط ليهم) فطرو نمشي نفيق الدراري ..

خلاتهم كيفطرو بالسكات .. هزات تيليفونها تشوف واش كاين شي جديد ساعة مكاين والو رداتو فالجيب .. اليوم غير غتمشي تقرى و صافي .. فرحانة بيخير
جوج دقايق بالحساب حتا جاها ميساج قراتو كحلات بالعما .. و معاه رجعو كاملين لابسين موجدين .. كي دارو ليها ؟ هو سر من اسرار الدراري حاضياهم و الروايح كتعطي منهم بقات غا كتشوف ..
حتا داز صخر خبطها
- ا فين ادراما كوين ؟