و لي خلوة في رغد عيناك

بارت ٧١

الطريق طويلة غادي عندو نيشان ريحة الماكلة عاطية من ديك الساشية كيتبسم راشقة ليه دوز معاهم عشية زوينة .. الطريق عامرة باقي يالاه ل11 ..
نفسه هو .. كان متكي معلقين ليه ديك الرجل معارف اش لواو عليها مزيرة .. كان دخل دار ليها سكانير و خرجوه مخليينو متكي .. كيزومي بحب على الملوية ديالو مشدودة يد رغد على شعره .. و صبيعاتها متخليلين فروة راسه .. جتى بدا كيحرك صباعو لدوك التصاور للي عاشو فيهم بلا بيه .. كيرمش بسكات فيهم ..
كيتمنى ارجعوا اعيشو فديك الفترة .. صابر واخا بدا كيهرب ليه بدوره .. عاذرها و لكن كيهرب الخاطر و اقول علاش القلب محنش .. واش غلطه استاهل هاد الجفاء كامل ..

"جفاءُ البُعدِ قد بَانا" .. شعور البعد قد فصلنا ..

حط التيليفون من يديه جاه الملل حاضي الساعة .. حتى تسمعوليه خلفات خفاف بعاد .. ريثمهم خلاوه اتبسم اعدل جلوسه ..
حتى تفتح الباب نيت من طرفه متعرض ليه ببسمة .. هبط راسو شاف شاكوش خرجو عينيه قلوبة
- بهاء : ناري مي .. حبيبي جايب لي عشاتي ..

ياسر ضحك ليه مكمل جار واحد الطبيلة ..
- هادشي للي هنا من ماماين رغد و جداها

تبسم ليه حاضيه
- بهاء : و نتا اش جبتيلي ..

- ياسر بنص عين : سكت خلي نعطيك تعشى ..

سكت حاضيه .. حاط ديك الساشية كيعزل منها ما وجدات ليه .. حتى تشم ليه ريحة الدجاج وسط الطاسة للي كتقبط الحرارة مسخنا ليه كلشي .. حتى ختم بالحلوى ..
- بهاء : اجيهم الخير .. و الله حتى الدجاج

- ياسر : بلاتي باش تكمل ليك الفرحة ..

مد يديه للجيب جابد داك الپاپيّ للي فيه الحلوى تكره للي يديه متحسسين الفراتت .. تفرتتات ليه شويا .. حطها ليه وسط الطبيلة مطرطق بهاء عينيه فما كيدير مكمل ياسر ..
- هادي للي دارو (قالب عينيه) و هادي من دار البنت سرقتها ليك

- بهاء بغا اهبل ضاحك ببلاهة : حلف تا سرقتيها نتا لي خبيتيها فجيبك !!

- ياسر : و الله حتى انا و لكن حصلت من صخر زايدني حبات ..

صافي هرب ليه بدا كيضحك طالق ضحكت الشيخة كيضرب فديك الطبيلة فين محطوطة الماكلة .. عينيه دمعوا بالضحك بغا اهبل .. كيشوف فيه واخد مكانو ... غاااا كيتفكر مد يديه خدا الحلوى و خباها فجيبو و مبادئ نبيهة للي مشاو فالريح و علاياش تربى كيزيد اكسيري ..
- بهاء : عرفتي مك و تسيق الخبار .. تعاودك لختانة ..

- ياسر : وا دابا حصلة معاك ! گلتيلي لا كنت واعر نجيبلك و جبتلك ..

- بهاء خنقو الفوغيغ : غتصوم 6 ايام هههههههههههههه

- ياسر مكره : تفو نسيت الحلفة .. غتخرج عليا نتا ..

- بهاء كيمسح عينيه بالخف : اودي .. عمرها تنسالي ..اوى كي داز داكشي ؟