و لي خلوة في رغد عيناك

بارت ٦٣

متغير والو .. و حالهم هو هو واخا دازت على سفرية ياسر 2 أسابيع و رجع منها خالي الوفاض .. اكتئاب ظاهر على ذاتها و نفستها بلا متسيق شي خبار .. تصور لو وصلها الأمل و مشا، لا دخلات فحالة كثر من هادي .. واصلة لمرحلة متقدمة من الضعف و حبسات حيت لا زادت غا تهز الراية للضياع .. كتشوف و تسها و تخمم و اكتئابها بان كيف ديما و لا نقولوا كيف سناو عليه مع الوقت .. عينيها مع السيدة للي قدامها داخلة فالموضوع بعملية مشددة حاليا على  ما كتحاجي ليها و لسانها كيعبر بفرح إقبالها عليهم .. و شرح مكثف لما عوالة ..

كانت متوسطة القد جميلة محاذاة بنساء قدها و بشوشة .. يدين فالهواء كيعبرو ..
- واخا دار ابنتي .. الجودة منكم و انا هنا ناخد الموافقة ..

- رغد : عرفت الالة مقلتش لا .. و لكن شركة كتاخد عمارات كبار ابراج و لا لي مول .. جامي خدينا دار ..

- السيدة بمقاومة : سمعيني و حلي معايا عقلك .. دار مكنقصدش ليك دار 3 طاج ادابزو عليهم الخوت فالورث .. مي پليطو ڤيلا و لا فيرما و لا ليبغيتي .. لافاميي ديالنا كبيرة و الاتقان منكم .. شي حاجة مندموش عليها .. سيفطوني عند الحاج الوزاني مأكدين عليه و لو معرفة .. سمحيلي منقدرش نشوف جهة أخرى ..

كتشوف فيها .. عينيها المتحمسين لدار خلاوها طول تفكيرها .. كتشوف بعينين خاويين فيها .. عكس السيدة للي كتشوف فيها بعينين مفتوحين مبهجين ..
- السيدة : اش قلتي الالة البنات ..

- رغد : تخليلي نتشاور امدام .. صحيح واخدة الادارة و لكن شي أمور خاص ترجع لمولاها اعطيني الموافقة ..

- السيدة : ما قلتي عيب .. (بفضول) و اش كتجيه بعدا ؟

- رغد : الوزاني ! (حركات راسها) جدي .. انا حفيدتو

- ضربات يديها مع بعض سنانها قصار على طول الضرس واخدين راحتهم قدام عينيها : تبارك الله .. بنت عيسى امكن ! كبرتي

- شافت فيها بعدم فهم : وي وي انا .. الله ابارك فيك ..

- ضربات على الخاتم : مزوجة ابنتي ؟

- غمضات عينيها بصبر حلاتهم كتهزهز راسها ببشاشة : صحيح .. عندي وليد

- تبارك الله تبارك الله .. انا صَبَاح كنت جارتكم قبل منتحولوا .. نادية كتعرفني ..

- رغد : مرحبا ا لالة صباح .. بارك الله فيك ..

- صباح : اوى شاوري (خدات ستيلو و وريقة محنية كتكتب) و لا كتاب نسمع خبار تفرحني راني طامعة فخدمتكم .. (حطات ليها الورقة قدام عينيها مكملة) لا قبلتيلي عندي معارف حتى هوما باغيين ابنيو على ذوقكم مكاين للي يعلى عليه .. النواطح للي درتو فيهم يديكم مزال لدابا على كل لسان ..

- رغد : مرحبا .. لهلا احاشمنا ..

وقفات واخدة صاكها بشياكة خفيفة و بتواضع كبير
- صباح : نخليك .. و ان شاء الله نسمع صوتك بخبار تفرحني .. مكانساينش الرفض اصلا .. شي حاجة خفيفة مع اموركم الكبار .. حسبيه پوز صغير .. واخا ابنتي !