و لي خلوة في رغد عيناك

بارت ٤٣

"امكن هذا الوقت .. نطلعو نحيدو علينا للي تابعنا"

هذا مقال منعم واقف .. واقفين معاه الرجال كل واحد فين مشا و البنات تجمعو على ديك الطبلة جاميعنا و جامعين الدنيا .. الزّاز تقلب .. غا للي عندو شي حاجة البسها .. فحالو فحالهم راجع للطوموبيل بعدما عطاتو سوارتو هاز ساشي داير فيه حوايج باش غيعاون .. تيشورت و شورط و صافي .. معاه حوايجو الدخلانيين و قاميجة و سروال ارجع فيهم ..
ضار على الكوفر اهز الثقل معاه تا كيلقاه خاوي .. تعقدو حجبانو لعلاش مسمعاتش كلامو .. هازا الثقل .. و لو معاها وحدة من البنات بزاف عليهم ..
"كانت" عندو عقلية عسكرية و مبقاتش .. الحب كيبدل ..

رجع للدار كيقلب بعينيه .. مشاف حد خارجة ثريا ..
"محتاج شي حاجة ؟"

ضار عندها بخجل كيشوف فالأرض و شويا فجنابو المهم متلف .. جاتو حشومة اسولها ..
- فين رغد ؟

- ثريا : اتلقاها فبيتها .. البيت اونفاص للدروج .. غا طلع غيبان ليك ..

- واخا ..
مشا طالع كيخطوي بالهداوة مثقل .. هز راسو فالباب الأول مبانلوش ديالها .. رصا عينو على الثاني شك فيه غادي ليه مقرب تا تسمع ليها صوتها من لداخل .. كانت كتدوي مع اسماء ..
دق دقة خفيفة .. ساينها تا فتحاتو باقي تيليفونها على وذنيها و من حسن الحظ كانت نهاية كلامها .. شافتو تبسمات ليه عليها بيجامتها للي خدات .. فرعاتو كثر طالبة منو ادخل .. مدازش بزاف على اكتشافو مكانها بالخف حتى حيديات التيليفون ..
- رغد : وي ا موسيو ..

- بهاء : الموسيو ديالك بغاك توريه شي بلاصة فين ابدل ؟ تا شومبغ [بيتك] زوينة ..

- رغد بميوعة : ميغسي سينو حشومة تقول هاكا و تسيئ للمكان .. البيت للي بغيتي خودو .. سير لبيت الدراري مكاين للي يدخل عندك ..

- بهاء محرك راسو : يالاه معاي وريه لي ..

- رغد : بدل هنا نخرج ..

- بهاء : الا معاك فراش آخر و باليزات .. اابنات ابغيو ابدلو .. وريني بيت الدراري اكون احسن دراري بيناتنا ..

- رغد : واخا ..
مشات قدامو متقدمة فايتاه حتى قبط يديها جارها عندو غادا تا هي مع الجهد داخلة فيه راد يديها للي قبط ورا ظهرها .. كتشوفو تحنى عندها ملقية لعينيه سارطة ريقها قلبها بغا اتكت .. تا وصل ليها مقبل حنكها .. مرة و جوج و عشرة .. رجليها مبقاوش هازينها حاطا اليد الثانية جيهة صدره شادة توازنها ..
كترمش بالعرض البطيء و خطهم مغطيين عينيها الموهجين .. سكتات فمرة حتى حسات بيه قبل راسها جنب عينها .. طالقها ..
حمورية السخونية طلعات معاها بغات تغبر .. شافت فيه ملقية ليه باقي هايم فيها .. حناتهم من جديد واخدة يديه خارجين .. تابعها حتى هو ..
شاد الضحكة عارف راسو بلونطاها ..

دقات عاد فتحات بيت خوتها .. لقات صخر تما كيعقد شورطو .. شافها هو اغوت
- صخر : القردة المخلطة .. اجي حُبّيني [بوسيني] .. اجي حبّي خوك اجي ..