و لي خلوة في رغد عيناك

بارت ٨٥

صافي لا كانت فالعرس فحال راس الوقيدة كاملة رمادية دابا را الما تشرب من ذاتها ولات كي الكرموسة المرقدة فالشمس .. مكمشة كلها .. هناري بغات تسطى للي ولد "الخلا" صدق ولد القاع و الباع دارهم حسن من دارها و هي الأصالة كتقطر منها ريحتها لطيفة و فاميلتو غا شكون و شكون .. بدءاً من جدو القايد لباه القاضي صيتو مسموع .. زيد لأخته فالداخلية و ما مقطوع من الشجرة و شجرته ما بيها والو ..

كان واحل ليها فحلقها للي لا تالي لا والي و مزاحم مع الدنيا .. "شكون اكون فملك الله" ساعة نسات بللي ربي كبير و للي نوى لخوه الشر غيرجع عليه و لا نوى ليه الخير غيرجع عليه .. لذلك النية مزيونة و نبيهة مادارتهاش لذلك عمر الناس ما دخلوها لحياتهم حتى من ولدها بعيد كل البعد عليها ..
للي فقصها أكثر هوما مالين الدار .. كيفاش عارفين و كيتحدثو ببرودة فحال لا مكاين والو .. صافي ..

المشكل انها كتحلل و تحاجي وسط اللاوعي .. وسط الظلام من العينين المسدودين .. گالسة تخابر و تحاجي و تفكر لهادشي للي خرج ليها من الجنب .. الفيزازي صدق من الفيزازي للي كتعرف .. يا مرحا للصدمات ..
صافي عيات بغات تفيق شافت راسها سرطات الصدمة و لا آثارها الأولى جغماتها .. كتفتح عينيها شويا بالشويا فهذيان كتقلب فجنابها ساعة ماتجي غا مع وجهو عليها ..

شهقة ثاني و مشات من جديد ..

بعد مدة من الزمن شادة راسها دايرين ليها الحامض واقفين عليها و هو اولهم .. كان بيخير تا سمع ياسر تم داخل بالخف لقاها سخفانة فالأرض و هو عليها مخلوع .. را كتبقى أمه واخا ما عرفت اش يطرى ..
و بعدها حاصلين فيها ..

.. كتشوف فيه بنص عين جالسة فالسيجور المفتوح محيدة الستار الزجاجي على عينيها باينين اكثر صافاءاً شعرها المصفف بعناية متحررين اطرافه المتخللين فيه شيبات قلال من ديك الشدة للي دارت عليها نادية عاگداه بالجهد مبردة غدايد ما قالت ليها على العزيز .. هو للي حاضيها كذلك و ياسر حداها .. واخدة بالهم كليا و رغد عينيها عليها ..
- بهاء : شويا دابا ؟

كان السكات من طرفها ساهية فيه حتى مسحات وجهها باليد باش قابطة راسها ..
- نبيهة : وي غا دخت .. الطريق

- بهاء بتركيز : لا محاساش براسك مزيان و گوليها ..

كتشوف فيه بغات تهبل .. كتقول "اش كنت كنرون !!" حتى حركات راسها بالسكات و حناتو گاع هيايا ..

فحين هز النفس الفوق خرج من مساحتهم متعرضة ليه نادية ناطقة بصوت مرتافع نوعا ما .. ليها ..
- اوى يــا حفيد القايد .. على سلامتك ..

- بهاء : الله اسلمك (باس يديها) لالة نادية امتى الحفلة للي قلتو غاديرو ؟

- نادية : غذا ان شاء الله فالعشية .. غا نقيشات لرغد الحبيبة و عشيوا بيناتنا ..

- تبسم : واخا حتى تشوفي واش كلشي مزيان فديك التقضية .. (شم ريحت الملوي) درتو الگوتي ؟

كتحرك عليه كدفعوا ..
- نادية : يا بو كرش سير ترتاح نجيب حتى لعندك للي خاص ..