و لي خلوة في رغد عيناك

بارت ٥٢

كتشوف فيه دازها هازة شويا من ذاتها واخد بلاصة ريم محيد وسادتها واخد وحدة من ديال رغد متكي عليها .. بصوت باقي منخفظ اصلوا غا وشوشة كيسمعوا بيها بعض ..
- بهاء : بعدي مني ارغد .. بعدي مناي متقوليلي والو

- رغد بحيرة : اش كدير ؟

- بهاء : بغيت نعس اش كندير ..

- رغد بأمر : اجي لهنا لحسك .. اجي عاودلي نبرگگو .. و اجي نعاود ليك انا ..

- بهاء هز حجبانو فيها : شي خبيرة ..

- رغد : عوالة نقج حسك .. اجاي لهنا ..

- بهاء : ورا دار النساب ارغد خللي نمشيو لدارنا نلقاو راحتنا ..

سكتات رادة راسها على الوسايد كتشوف فيه ..
- رغد : غا نعس و سير .. (خرجات شنافتها) عافاك ..

وقف كيشوف فيها بنص عين معلابالوش .. حتى خدا من جديد وسادتها رادها لحداها كتصفق بريوس صبعانها غا بالشوية كحزات ليه ..
- رغد بتعفار : بو راس لاخر .. كتحشم

- بهاء : هانا ازين .. و را بغيت داري نبوسك على خاطري ..

رغد جمعات شنافتها ناطقة "بوس" و رجعات جمعاتهم ..

مردهاش .. حتى هو على سبة .. رفع ليها وجهها لعندو بقبلة فرنسية طويلة داخلة معاه فيها بكل جوارحها رامية يديها على كتافو مغمضة عينيها .. حتى تفصل عليها كياخد النفس قبل ميقبلها بخفة جنب ثغرها و ياخد بلاصة على ذاتها كيف ديما ..
- بهاء : كنفكر فين انعس و شنو غانوسد هاد النهار .. (تفكر) صدرك لا .. انهبط لكرشك حسن ..

- كتضحك بخفوت : كتشاور !

- بهاء : مال غا الملوية للي يختار .. زوينة هادي .. (تكا عليها بجنبو رامي يديه على جنابها) يا الله .. اوى عاوديلي شطحتي شويااا ؟ غنيتي شويااا ؟ فوجتي شويااا ؟ شفت الحنا .. وريني عاوتاني ..

هزات ليه يديها ليسرية وراتو النقيش واخدها بيديه ليمنية كتلمس صبيعاتها الرقاق قبل ميقربها من فمو اقبّل باطنها .. الحركة للي خلات الفرشات اطيرو حداها بفرحة متلفة احساسها .. واخدة يديها لشعرو ..
- بصحتك .. كلك زوينة ..

- رغد : اعطيك الصحة .. مشطحتش انا و لكن البنات نشطو .. و فرحنا جميع ..

- بهاء : بصحتك امولات الملوي السالباني .. اوى .. عاوديلي ..

- رغد حنحنات شويا : ياسر ( جاها منو "مالو" مكملة) اش عوال مع اسماء ؟ .. البنت واخا تشوفها هكاك راها رطبة عزيزة عندي فمقام ريم .. كنتمنى ميديرلش ليها خاوية فعامرة ..

- بهاء : دويت معاه البارح امكن .. فاش مشينا ناخدو الحولي .. جبدت معاه موضوعها

- حبسات يديها على شعروا : اوى !

- بهاء : جيتو نيشان .. كيبانلي ناوي المعقول قالي نرجعو من الميسيو و اكون خير ..

- رغد لاقات حجبانها : جاية شي ميسيوه ! امتى ؟