و لي خلوة في رغد عيناك

بارت ٣٢ - نهاية "ظـــــلال"

رائحة زكية مداعبة حاسة الشم .. ريحة عارفاها مزيان .. لطالما كانت وحدة من احب العطور عندها زيادة على ديال عائلتها .. امكن حيت فمقامهم .. و لو ان كل واحد بمكانتو عندها .. عقلها مبقاش قاد على كثرت النعاس محفز وعيها ياخد دوره .. و امتثلت لطلبه ..
واجدة ..

فتحات عينها بتثاقل تكتشوف لتحت .. فزاوية و بعد محصورين عندها .. خصوصا مع الاخرى عليها ضمادة .. مقاداش تڤنڤن ..

"على سلامة لالة رغد مللي فاقت لينا"

الصوت زاد ما بيها مباغاش تهز عينها لمصدره تلقا الريح .. و لكن لوعتها خلاتها ترفعها .. بوجه ملون شكيلات حاضيها حتى خرجات من فمو بسمة خفيفة خلاتها ترجع ساداهم ..

"باقا مخاصماني ؟"

عاودات حلاتها لسؤالو .. فقط كتشوف و كيشوف بدوره .. هابطة دمعة مسرسبة .. شافها هو كلينيكس باليد للي صلاحت ليه ماسحها .. عارفة للي هي فيه حقيقة لا علاقة مع الأوهام ..
- رغد : ما|متيش ؟

خدا داك كلينيكس مكورو بصباعه راميه عليها
- أمين : انا بالله و الشرع .. اموت عدويا و للي ميبغيني .. مالي مسطي نمو|ت .. (محيد الكاغيط باش ضربها) و رغد لمن نخليها .. لا ماقتـ|لاتنيش مكاين للي يقيصني ..

حاضية تفاصيلو بالسكات .. باقا فمرحلة الشك .. بغات تحرك يديها للي من جيهتو لقاتها ثقيلة .. رفعات سبابتها حاضي صبعها واقف هكاك ..
- أمين : بغيتي تشهدي ؟

- رغد : بغيت نقيصك ..

جمع ذاتو فحال شي بنية ..
- أمين : لهلا احييك .. ولد الناس انا مزال متزادت للي تحط عليا يديها ..

ضحكات بخفوت .. حركات سبابتها ..
- رغد : عافاك .. نعرفك غا بصح نتا و ماشي حلمة ..

حرك راسو عارفها تأثير الصدمة .. كانت كتوقع حلمة او حتى لاكان بصح غيحرك ليها يديها .. و لكن خارج التخيلات قرب وجهو لصبعها حتا لمساتو مخليه .. حاضياه فقط ..
- رغد : على سلامتك مللي رجعتي لي ..

- أمين باقي على حركتو : على سلامتي مللي لقيتك .. سمحيلي تعطلت عليك .. كون جيت بكري (و عينيه على جراحي) كون گاع متقاصيتي ..

- رغد : معلش (حيدات يديها و بخجل) باراكا غا نتا ..

جملة زعماتو كثر ما هو زاعم .. رجع باللور وجهو منور گالس مرتاح ..
- أمين : سالا كلشي دابا ..

- رغد : شنو للي سالا بالضبط ؟

جبد الوراق للي لقاهم محطوطين داك الصباح .. شافتهم تگعدات كتعاون بيد وحدة .. شافها هكاك وقف شاد فجنبو باليد المزيرة واقف متعرض ليها بيديه الثانية كيكاليها ترتاح .. حط الوراق و رجع گالس بالعقل كيشوف فيها واخدة الوراق بليسر كتقراهم ..
هزات راسها فيه
- رغد : غنخرج تقاعد نسبي ؟

- أمين : صحيح .. على الاقل ضمني حقوقك معانا..

- رغد : امكن غنبصم معندي كي ندير مع ليمن ..