و لي خلوة في رغد عيناك

بارت ١٨

راكب فطوموبيل عاقدهم صايگ هو نيت .. حداه ياسر و اللور حمزة كيزعزع فيه ..
- وا دابا مالك ! كون محلفت نعاود تصويرة أخرى .. مبغيتيش تسكت من الضحك .. مسالي انا !

- ضار عندو ياسر شاف فيه : بلاتي شويا و ارجع كي كان غا صبر ..

- ضار حمزة شويا هو ابدى اغني :
"هيلا يا رمانة .. الحلوة زعلانة
منهو يراضيها .. أنا أراضيها
وبعيني أفديها .. بس لا ألاقيها
في يوم زعلانة .. يا حلو بسمتها
زادت حلاوتها .. من شاف طلعتها"

عاودها من جديد كيحرك كتافو و ازعزع أمين من اللور .. حتا ضار ياسر بغا اموت بالفقصة خصوصا فاش شاف أمين فحال لا شاد الضحكة .. ماشي مودو و ماشي هو .. ضار للمرايا كيشوف الزنقة و خلا دوك جوج متلفين الوقت .. محس غا بشي حد ناغزو دار عندهم لقاه امين كيضحك و اشوف للطريق ..

- أمين: شفتي قلت ليك راه مزوج عندو وليدات

- ياسر هاز حاجبو فحمزة : واااايلي

- حمزة رد ليه الدقة قاصحة : لاااااا

- حرك أمين راسو بأحياني : لااا ! و ديك الأغنية تااا سير عليا انا .. (ضحكو عينيه تا ضياقو فرحان ليه سولوا سؤال زعما ورقتك غا زيد) ولد او لا بنت ؟ واخا متأكد بنت ياك ؟

- حمزة للي ترسمات ضحكة متبع معاه ورقوو و فهم باش : بنت

ضار عندو ياسر كامل بتفاجئ من حمزة عاود شاف فأمين للي شاف فيه ضاحك و رجع كيصوگ مكمل فأسئلتو
- أمين : شنو سميتوها ؟

- سميتها رغد

- ياسر : تبارك الله

- حمزة : الله ابارك فيك اخاي ديالي

سكت أمين شويا .. اسم ماشي غريب باش ادوز عليه مرور الكرام .. كان فالطوالة ديال القشلة قبل ميوصل للباب .. مشا بالو مع مولاتها السمية الكبيرة حتا عاق على راسو خاتم الكلام ..
- أمين: تبارك الله احجبها .. طوندونس هاد السمية و لا شنو وليت نسمعها كثر من عمي مالك

- ضرب ليه على كتفو وذنيه حومر : ختها للي سمات .. اسيدي الله ابارك فيك العقبة لعندك ..

- أمين : وايلي عندك جوج (شاف فياسر) قيد اياسر .. (تفكر دعوتو حرك كتفو كون لقا اتلاح مكيحملش موضوع الزواج و لا الولاد) الله استر انا مرتاح مباغي زواج و لا ولاد انا باقي صغير .. دعي مع ياسر

- ياسر ضار عندو كيفرنس : دعي معايا ..

- حمزة : الله ازوجك ..

- ياسر بعقل معاها هي .. ضار كيشوف من الزاج ناطق : آمين

وصلوا كيتغداو كيتجمعوا .. كلهم طايحين على للي قدامهم الا ياسر .. كيشوف فيهم و البلاطو محطوط قدامو كيضحكو الدراري مجمع حداهم عمي علي طاق رجليه كرشو كتحرك معاه ..
- عمي علي : كل نهار اتبداو تجيو عندي ؟