و لي خلوة في رغد عيناك

بارت ٧٦

مكمل حتى لعندها وصل عليها مقبلها بالخف عاطياه حروفها بدلال مكمل للداخل حاط ما جايب .. كيشمشم حتى وقف على الطاجين قابط منعم بيديه بجوج ..
- بهاء : طاجين باياش ؟ ريحتو زوينة ..

- رغد : مزيونة بصح !! تشغلت مع الدار (محيدة الغطا طالع الفوار) غا بخضيرة مع الزيتون نعزل شويا لمنعم كيف ديما ..

- بهاء بشهية : الله اعطيك الصحة .. انا نمشي نصلّي .. صليتي ؟

- رغد تبسمات ببلاهة و خجل : جاتني لي غيگل ..

- رجع اللور بغا ابكي : العااااار متگوليهاااش ..

- ضحكات كتحرك عليه : سير سير .. مالي نديرها بلعاني ..

- بهاء : مسخوط انا !! اش هاد الزهر النايح گلنا نطلعو لادوز شويا ..

بغات تهبل بالحشمة وجهها ولا حمر مغطية فظهره نيت كتخرجو
- بهاء خرج فحالك متحمقنيش ..

- حبس مقاومتو ضاير عندها : هاهو غادي .. عندك كولشي ؟ الحريق !

- رغد بالسلب كتشوف فجنابها : نو كولشي مزيان فحال شحال هاذي نيت .. كلشي عندي ..

- بهاء : واخا .. نخليك .. منعم معايا ..

- رغد : واخا على منقاد شي عصير و نحط ..

- بهاء : خودي راحتك ..

مشا بهاء طلع و خلاها هي تدخل .. الوضوء موضي أذن فطريق الرجوع غا خرج من الڤيلاج .. مشا للصالة بخطواتو شبه متزنة لثقلهم .. حط منعم حداه و طلق السجادة مفرشها بادي صلاتو ..
الولد .. الصغيور غا كيشوفو كيسجد كيحسبها لعب كيبقى اطل عليه و لا تعلق عليه مخليه بخاطرو فرحان اكثر للي كيدور عليه .. مرة اطيح مرة اوقف مرة اتبلوكة مرة امشي ليه بين رجليه .. حتى سلم حابس واخدو كيلعبو شويا كأنهم قراين ماشي اب و ولدو ..

.. صوت الضحك مع زقزقة العصافير موسيقى روح فوذنيها غا كتحبس مولينيكس .. حتى حبسات دقيقة بلا ما تبلاندي مخليا راسها تسارجا شويا من حاسة السمع تنتاعش .. بسمة خفيفة و عينين كيبريو مع مشاعرها الجياشة دايرين فيها ما بغاو .. قهقهاتو بصوتو و كلامو بحروفهم مع صوت لطيف رقيق و ضحكة حتى كيتحبس فيه النفس و غوات .. لا جيران اعقبوا على الدرديگ و لا صياح اصدعهم مخلينو عايش الطفولة الى الآخر ..

.. تحط الغدا غا بثلاتة كياكلو كيتبنن كيشكر ليها ماكلتها و فمو عامر .. طالقين التلفازة اشوف الأخبار كتبسم رموشها كيرفرفو فرحا .. على ما سالاو تعاونو على داكشي .. حتى هبطات ليهم رغد الفراش محرك البرد يتدفاو لاصق فيه منعم متكي على صدرو مرخي و هو طالق رجليه كيطبطب على ظهره ..
فحين رغد مشات بالخف للكوزينة .. حتى تمات راجعة لحداهم و هازة طاوة و دوك جوج خنيشات ديال اللوز و الكوكاو جايباهم حداها ..
واحد كتنقيه اتحمر و اخر خلاتو فالما ايتفسخ تقليه ..