و لي خلوة في رغد عينـــــاك 🤎 [ الجـزء الثاني من "حنيــن" ]
يقول ..
تلقيت من روح الجمال رسالة
أضلت فؤاداً بالجمال يضلّل
تلقيتها والليل يطغى ظلامه
فكان بها الصبح المنور...
گالسة ففراشها مجموعين عليها لابسة بيجامة ملونة قطنية خفيفة .. طالقة شعرها و ماسحة مكياجها مدوشة محيدة عليها ستريس العشية .. حداها مها للي كتغطي ريم و اسماء متكية حداها كتشوف فيها .. - اسماء : الله يا ربي ا الفيزازي اش درتي فينا ..
- رغد طانزة : لاش اش دار فيك نتي ؟
- اسماء ضارت كتشوف فيها : ذوبنا بشوفاتو فيك .. بغاك وقصدك للدار .. دابا و الله و متلاقاو و اجرجرك فالزناقي و لا ختارتك ليه مو ميعتبها .. بقا فهاد الزمان غا البلاستيك ..
- حنين : مكاتب .. شي حاجة عمرها مجاتلي فبالي (وقفات محركة فحالها) غنمشي .. تصبحو على خير
- اسماء : تصبحي على الف خير
- رغد : تصبحي على خير ا مامي
عطاتهم بوسة فالهوى و سدات عليهم الباب مشاركين الفراش .. تقسمو الضياف بين دار راشد للي عندو 3 ايطاج و دار عيسى لقاو التيساع و التيساع فالقلب ... ضارت عندها اسماء واخدة يديها كتشوف فخاتمها كدوز عليه الفلاش اعكس الضو بعدما عرفاتو دياموند .. - أسماء : شنو البلان ديال بهاء الدين .. كنعرفوه بأمين ..
رمشات شوية موجدة الجواب .. تناسات البلان و لكن تا لإمتى .. - رغد : بجوج دياولو .. أمين بهاء الدين ..
- رغد : وي مي كنساين بابا .. غيهضر معاه على شي حاجة و من بعد غنوضو نجمعو الأوراق
- اسماء : امتى تفاهمو !
- رغد : قالو بابا غدا .. قاليه هو مرحبا
- اسماء : ميكون غا الخير
- رغد بود : ان شاء الله ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و كيف تفاهمو فالتيليفون كان ملتقاهم الغد ليه .. عيسى من الخدمة نيشان لوحدة من مقاهي المدينة .. داخل بخطوات ثقال كيشوف هنا و هنا تا لقاه قدامو كيطل من الزاج بكاسكيط و حوايج عاديين عطاوه منظر آخر فعينيه .. العنينين للي تبسمو بشوفتو قبل ما اتفاعل التباقي مخرج ضحيكة من محياه فاش شافو واقف .. - عيسى : صاڤا كلشي مزيان ؟
كيدعي فخاطرو ميكونش مشكل من علاياش عيط ليه واخد يديه بتوتر خفيف هو اصلا راه كيجيب عجب من راسو للي جا للي يوتره كان غا كيعفط و امشي و للي ليها ليها .. شافو واقف سمع سؤاله تبسم ليه كذلك مجاوبو .. - بهاء الدين : صاڤا الحمد لله ( عطاه يديه مسلم ثم مفارقينهم مشير ليه للكرسي) تفضل ..
