و لي خلوة في رغد عيناك

بارت ٨٣

سكتات فمرة باقا كتشوف فيهم رجعات ظهرها للور أكثر عينيها فيه "للي ما قاليها والو" .. و لكن مكذبش تاني و لكن بقا فيها الحال للي معلمها بوالو .. نفسيتها خلات عينيها ادمعوا هازا كلينيكس من لا بواط حاضيها ..
- بهاء : دابا غا علاش كتبكي !!

- رغد بصوت منغنغ : مبقيتش عزيزة مكتعاودولي والو .. (ضارت شويا على منعم لا يشوفها) وليت مثقلة عليكم !

قربات حداها شيماء كتمسح عليها ..
- لا لا .. ما كملتش يالاه جلسنا يا رغد .. مشينا حيت رفعت عليه دعوة ديال الاعتداء و شدوه (ضارت عند بهاء) عطلوني و عيطت ليه ..

ضارت عندها عوينات حومر و نيف حمر مكتشوفش فبهاء ..
- و مقلتيهاليش !

- شيماء عزات عليها جابتلها البكية : غير غنبرزطك ارغد و نتي يالاه مع منعم مالك داي ليك وقتك كامل ..

نقز لاخر غا سمع سميتو ..
- منعم : شيما .. موا ؟ (شاف فبهاء كيضحك من نيوفو) ههههه بابا موا ..

- ضحكات ضارت عندو : وي شكون من غيرك .. (بنية تتلف الجو) شكون زوين ماما و لا بابا ؟

شافت فيه رغد رموشها فازگين حاضياه داير صبع حاضيهم بجوج .. حتى دخل فبهاء بحرج ناطق ..
- شيما زوينة ..

قلبو بهاء كيمخض فيه للي نكرهم ..
- لوالديك نكرتينااا هااا .. نكرتي ماماك ..

شافت فيه بنص عين قالبة راسها فمرة وسط قهقهاتو .. شافتها شيماء كحزات حداها اكثر معنقاها من الفوق دايراها وسط درعانها ..
- متقلقيش عافاك .. كنتي اتعصبي على والو ..

- رغد : ممقلقاش بالعكس .. كنقول ياكما وقعات شي حاجة مبغيتوش تقولوهالي ..

- بهاء رافع راسو كيضحك بصوت مرتافع : رااغاااد !

- بتعالي : نعام !

- بهاء : الله انعم عليك .. مزال الطاجين !! (حاضيها بنص عين) كليتيه كله !

- قالبة عينيها عليه : سير شوف نتا .. (جا انوض ناطق ليها "واخا" عز عليها مطبطبة على يدين شيماء بلطف فاسخا كي مشبكة يديها) جلس غا جلس نجيب ليك انا ..

- و متهزيش عليا نيفك للسما ..

- رجعات قالبة الطريق راجعة ليه حاطة يديها على جنبها : بغيتي ندابزو ! ..

شاف فشيماء كتضحك عليهم و رجع كيشوف فيها المسكين مولوع ..
- انا يا رغد ! .. بالعمى .. (كيضحك بسيناتو حاضياهم) شكون اسخى بالزين .. طاجين د الغدا للي قاداتو لالة رغد و تشهيناه نتعشاو بيه ..

ميلات فمها باقي جنانات التفاح فحنيكاتها فايحين و عينين كيبريو من البكية و الجمال من الراحة .. و بتهديد مكملة ..
- عيني فيك ا بهاء .. متقلبش عليا ..

عطاتو ظهرها غادة ناطق وراها كيضحك ..
- حيت راني ديما حداك و معاك .. علاش غنقلّب عليك !! .. (ضار عند شيماء كتشوف فيه) شفتي مغيتزاد هاد الولد حتى نحماق ..