و لي خلوة في رغد عيناك

بارت ٥٠

ناعسة حتى فاق منعم مالك .. واقف بهاء الدين فايقة معاه كيقادوليه البيبرونة .. خداوها كيعطيها ليه كقوليها ترجع تنعس .. كتصبر معاه شويا و ارجع النعاس اديها ..
ديك الليلة منعسش كيحس براسو نورمال .. نعاس باقي قليل فين كيديه فمرة متكي يديه على البرصو شاد البيبرونة من جديد كيشوف فديك الكميشة القليلة للي كتب عليهم الله .. رجع نعس نيت فالبلاصة مخليه حداه گالس على داك الكرسي طالق رجليه .. خدا تيليفونو حتى لقا رقم ممسجلش مسيفط ليه ميساج بكري غا مشافوش .. قراه تأفأف مسيپريميه .. واقف مصور ولدو مسيفطو لملحم اوريه ليهم كاتب لتحت اسمه .. خرج على برى گالس داخل كيقلب على شنو غيحتاجو ليه كيفقه راسو من جيهة الوليدات .. مرة مرة ارد البال مع رغد لا كتحرك بغات ضور اشدها فبلاصتها خوفا دير شي حركة تفرع راسها ..
سوايع طوال كيقلب فتيليفونو معمر شويا عقلو من جيهة الفاميلة للي بادي و قلبها للقرآن اثبت روحو حتى ديشارجا ليه و عليه أذن الصبح واقف برونشاه فالبريز طالعة الصورة ديالها للي داير هادي سنوات حالف ميحيدها .. مكمل غادي للحمام خارج موضي مصلي تمايا حداهم .. رجع للفوتوي الطويل تكى على مرافقو موسدهم .. كيتنفس بالشوايااا السكاااات و الهدوء للي هو فيه مفيه حد ..

قنط بالهدوء ضار شويا لعندها هي للي ناعسة براحة وجهها لجيهتو هو نيت .. منوضة فيه فوضى .. كيشوف فبحر جمالها راضي اغرق وسطهم .. ناسب لراسو الحظ معاها ...

صبح الصباح واقف عليه كيهديه كيبكي و على بكاه الرقيق فاقت رغد حالة عينيها .. شافت فجنابها حاطة صباعها على عينيها ..
- رغد : اراه ابهاء .. نعستي شويا ؟

كحزو حتى لحداها هزو عطاه ليها هازا شويا من ظهرها مقاد ليها الوسايد وراها .. حاضيها حتى شافها كتفسخ صدايف لبستها من الفوق مخرجة صدرها ..
- بهاء : اش كيديري ؟

- رغد : صدري كيضرني بزاف .. كنشوف واش كاين حليب .. شافتهم لي الطبيبة البارح ..

حاضيها تا ضغطات على حلماتها حتى توهجو عينيها من السائل المائل للاصفرار .. قالت ليها حنين على اهميته و مخاصهاش تمسحو، فيه لي بروتين و الاجسام المضادة .. شافت فيه كتضحك محنية لعندو كيحرك يديه .. غا تلامسو شفاهو معاها خالقين رابط الام و الابن ..
صحيح حدثوها على الم الولادة و لكن رغد حاسة بالألم كذلك فالرضاعة .. اول مرة و آخرها كتفكر حتى ضحكات مقرب كثر گالس حداها كيشوف فاش كتضحك متكية راسو على صدرو ..
- رغد : شوف كي جامع رجيلاتو ..

- بهاء : صغيور .. و لكن عذبك ..

- رغد : ماشي مشكل .. منعم نعمة حلوة فحالو .. (ضحكات شويا) شعرو غامق لا انا لا نتا واخا نتا شويا عليا

- بهاء : معرفتش .. الجينات عالمهم بوحدو ..

- رغد مدوزة صبيع عليه : ذقنو فحال ديالك .. و لونو حتى هو ..

- بهاء كيسمع ليها عينيه عليه : سعداتي .. شكرا حيت شبهتيه ليا .. (ضحك) ميني بهاء ..

- رغد بهداوة كتدوي : نووو غا اش كنشوف .. زيد عينيه كبار تبارك الله كثر من دياولي امكن داهم من عميتو .. لونهم فحالك امكن .. باقي مصافيين و مباينينش ..