و لي خلوة في رغد عيناك

بارت ٦٩

من غير الجو عندهم فالدار جالسة لأول مرة فالصالة معنقة منى عندها .. مدخلاها فقلبها كتسمع "الحمد لله" كتقولوا و تبوس راسها و تعاود .. عيسى طالق رجليه مفرش بسطمو و سوارت الطوموبيل حنين فرحانة كتمشي و تجي كتحول الخبر مع نادية و ثريا للي جات لعندهم .. اما واحد زيد گالس فالجنب .. حاضيهم .. باغي ادوي .. الموضوع منين تعشش فالمخ معاها ما بغا افارقو .. حاضيهم بالسكات كي طبيعته حاضي ببسمة جداه مع رغد للي جابوا معاهم خبار زوينة على صحتها للي فتوافق مع الزرع .. و مؤشراتها فوق مزيان غا هي باقا خاصها شويا د الراحة و منها الانعزال ماشي ضروري تبقى فيه شريطة الماسك و التعقيم ..

خلط الجميع مجموعين على الطبلة .. باقا كتوقف و تجلس بالعقل واخدة بليصة .. داق منعم داخل دايز غاسل يديه و عليه مشاركهم الطبلة .. فرحة خفيفة بينهم و لو النص مشا عند بهاء للي القيامة نايضة عندو ..
كان عندهم هدوء و كلام خفيف داخل زيد اخيرا .. بعد صبر و طول انتظار ..
- زيد : بما انه رغد ولات مزيانة بغيت نهضر معاكم !

- عيسى حادر عينيه : شي حاجة ضرورية !

- منعم ضاير عندو : الخدمة ؟

- ببشاشة : لا لا .. بغيت نكمل ديني ..

هزات حنين عينيها فيه بالزربة موقف عيسى يديه من الماكلة ضاير عندو نادية جايبة الما حابسة فنص الطريق .. اما منى حيدات الخبز من يديها راجعة اللور حاطة يديها على فمها ..
.. كان سكات ثقيل رغد كتضحك شويا بنص عين فيه مهرسة السكات ..
- درتيها بصح ؟

- زيد : نويت الخير .. لا بغا الله ..

- حنين متدخلة : راك صغير اش كتخربق !! (بإنفعال) واش هبلتي ؟ خدمتي شويا زعمتي على الزواج نيشان ؟

- زيد : من امتى ولا الحلال تخربيق !

- عيسى رفع عينيه المجبدين فيه : ما كتگول هو للي تخربيق ! غا اجي و تزوج !

- زيد بتكتيك الإقناع : المسؤولية قاد عليها .. المصروف عندي .. الخدمة خدام و كنكمل قرايتي .. شويا بالشويا ! او لا .. الحرام مباغيهش فحياتي .. بنت وحدة نويت معاها المعقول و ناوي نوفي بوعدي

- منعم : راجل منكذبش و لكن ساهل تگول الزواج ساهل و غير هادشي للي فيه ! هو العكس ..

- حنين بعينين معقودين : فين البنت ؟ امتى وليتي تواعد بشي حاجة معارف المكاتب !

- زيد : هادي 4 سنين .. عطيت كلمتي لبنت الناس .. (بلطف) و الله غتعجبك اصلا رضاتكم ضروري منها ..

- عيسى ضحك حال عينيه : تزوج قبل من خوك للي كبر منك .. مشفتيش راسك زربتي ..

- زيد مدور راسو وسطهم : نمشي دقة دقة معاها .. نبنيو بجوج الحياة ..

- منعم : و باها شكون اكون .. سولتي على اهلها ؟

- زيد بذكاء : نعتابرو موافقة اجدي ؟ (ضحك شويا بهدوء) باها رجل دين كيفتي للناس و اصلي بيهم .. كنساين ناخد موافقتكم نهضر معاه ..