و لي خلوة في رغد عيناك

بارت ٨٢

شافت فيه بغنج ... باقي على حاله راجع للور براحة راد ظهره على الكرسي كيشوف بعيد فلحظة رجع ليها لقاها كتبسم ليه و عينيها اللعوبين تحت من خط حجبانها مبينين نوع احاسيسها بكل جرأة كيقراهم و هي باقا على حركتها كتضحك بخفوت .. ما كمل عليه غا نيابها للي واخدين ثغرها من جديد من توتر تملكها فلحظة .. خرجات ليه شبه ابتسامة على حروفها ..
- و فين غنبقاو هاد النهار ؟

- ياسر : هنا .. (مرتب كلامه) غا هنا ..

- أسماء محركة راسها بإيجاب : زوينة البلاصة ... (شافت من جديد فجنابها) عمري قلتهالك و لكن ذوقك زوين ..

- ياسر : و ذوقك زوين .. فاش عجبك ذوقي

ضحكات شويا مقربة ليه و لو محاصراهم ديك الطبلة الوسط ...
- يكفي غا ختاريتك تكون راجلي .. هذا يشفعلي أكثر

- شد الضحكة كتهربو محرك راسو بتأكيد و عزة : وي وي مثلا ..

هزات حجبانها حاضيها ..
- اسماء : و نتا ذواق بسببي .. ربي شوف واش كاينة شي وحدة فحالي .. قول لي ! ..

- ياسر : لا ! (بجدية) حتى وحدة ما فحالك ..

تبسمات حاضياه .. عدلات ظهرها فارقة قربهم مخلية الاكسيجين القى مساحة للتراقص .. فهمات اخيرا ميساج رغد و لو قالتو ليها وسط "واش بغيتي كيكة" متلفاها خلاتها تبسم اكثر ..
- اسماء : و نتا ما فحالك حد .. عمرك تكون فحال شي واحد و ممحتاجاكش تكون ..

.. المقارنات لطالما كان وسطهم .. "عمرك تكون فحال شي واحد" كان ليه لحن خاص حاضيها باقي فتصرفاتو قالبة عينيها للسيرڤور للي خذا شنو بغات بادي منها .. كيفكر قالب عينيه ليها و لشعرها كتعطي بديك السبابة الشروط ديال طبقها كترسم على باطنه واخدة راحتها و مخليها .. مثلا حاضي شوفتها للولد للي واقف عليها .. كان جميل شكلا كيف جميع الواجهات للي كيديرو المحلات الكبار باش اقابلوا الناس .. و لو واخدة راحتها فالكلام تشرح ماشي كيف كدير معاه .. كتعامل عادي هازة راسها بثقة كيف ديما و شوفاتها ليه فحال گاع الناس عكسه .. حتى ضارت عندو مبسمة
"و نتا شنو تاخد ؟" ..

- جاوبها عينو فيها : فحالك .. نفس الپلا .. نفس التفاصيل ..

حركات راسها للولد مبسمة ليه شاكراه .. نوغمالموه فالإيتيكيت السيغڤور خاص ابدى بالرجل و اعطي الشرف المرأة انها تعطي طلبها الأولى و لكن التقليبة للي وقعات راقتو .. كروقانه مع بهاء واخا ماكيعجبوش نهار كيجره لشي بلاصة بعيدة .. مكياكلش و لكن كيستمتع ..

.. حبس الدلال بينهم واخد لحظة تأمل حاني على طبسيله للي وصلهم .. فقط لا تدخلات اسماء كتبرگگ فعيباد الله و تعاود ليه من تحت راسها كيضحك على شوفاتها الخفاف مونساه و هو مولف ياكل فالسكات حتى اصبح روتين مامنه هروب ناعل للي فات .. شحال و هوما اونصومبل كتدوي على راسها فقط .. بالحق اول مرة اعرفها برگاگة هي للي تصلاح لفين خدامين .. كيذوقك من ذوقها للي اختاره و راقو بالجهد كيحرك راسو منغم ..
هي بأقل جهد و بتلقائية كبيرة كتبان من الأكابر فأبسط حركاتها .. غير متصنعة و هادشي اجْذَله اكثر ..