و لي خلوة في رغد عيناك

بارت ٤٢

رجعو فحالهم موصلينهم .. خارج تا ياسر معاون معاهم راد للي جايب غا هاد المرة اسماء للي كان كيشوفها حركية فالتوصيلة الأولى دابا لاصقة على الزاج مكتبانش ليه .. و اللقطة فاش وصلوا هبطات منطقات ..
غيرها للي كان واخد يديها من جديد عندو عشق .. مشابك دوك الصبعان للي مرة وحدة قاصها فيهم بلا سوء حيحات عليه دنيا و دين .. احترامها فارضاه .. فضولو كي كان ملمس يديها خلاوه اتزوجها .. و دابا حالف ميطلقهم و فضولو ف كي دايرين باقي ماختمه ..
- بهاء : تهلاي فراسك ..

فسخ راخي تشباك يديه مع دياولها بقاو هكاك ..
- رغد : غترجع لداركم ؟

- بهاء : لا ! كنمشي لداري

- حركات راسها : مغنشوفكش ؟

- تبسم ليها : هاي هاي هاي .. واا هانتي كتقيصينا فالحوايج للي مبغيناش ..

- رغد : نطق .. مبغيتش تبقا بوحدك نهار العيد ..

- بهاء : غنجي نشوفكم نبارك ليكم العواشر .. اعطيوني نسابي كثف و نعطيهم كثفي .. دابا خاصنا حولي .. غنهبط غدا ناخدو .. لا كتاب اتدبح و اتقسم نفرقوه صدقة .. معطينا والو ..

- مفكرة : حدما فكرتيني .. ماشي مشكل ناخد واحد لاصوم من للي عطيتيني نخرجها ؟

- بهاء : رزقك هذاك ديري للي بغيتي بيه و تصرفي فيه كيفما حبيتي ..

- رغد : واخا .. يالاه نخرجو ..

خرجات و خرج هو موراها ضاير عندها .. وقفات سايناتو تا جا .. واقفين كاملين فاتحين الباب ادخلوا حتى حبس ليهم عيسى كيقوليهم "دخلو" .. ساعة عتاذرو ليهم اخليوها لمرة أخرى .. عيا كيشوف هو امشي لعندو ادوي ليه على ما قالت روح ..

بيناتهم .. كيشوف فيه
- عيسى : بغيت نعرض عليك تعيد معانا هاد العام بعدا ! مديهاش مني قلت الصواب تقول العيد عند النساب و الروينة .. الراجل كيبقى راجل و قبل من كلشي عائلة وحدة دابا .. تزوجي الغالية ا بهاء ..

- بهاء حاط يديه على صدرو : عارف و الله .. خليكم هنا بيناتكم و هاهيا الغالية وسطكم .. مانيش ولد الحرام للي نحرمكم من بنتكم .. واخا تزوجتها باقا عليكم ..

- عيسى : غدا اجي يالاه معايا خود حولي .. زيد مريض مكيقدرش امشي لبلايص البهايم .. نديرو خرجة ب3 انا وياك و راشد .. سبحان الله تا زواجكم جا مع العواشر كتحلى معاهم الجماعة .. دوزو معانا وقت و نوضو بداو توجادكم ..

- بهاء هز عينيه فيه كيشاور : هانية !

- هز ليه حاجب طانز : لا مهانياش تزوجتيها تخليها عندي فالدار .. بهاء ليك حق فيها .. بالحق شويا بالشويا فراقها عليا صعيب ...

- بهاء : شي فراق ميكونش .. عوالين نستقرو هنا فالرباط .. دارنا دارك و دارك دارنا حتى هي

- عيسى : دابا دويتي .. شنو قلنا ! صافي ..