و لي خلوة في رغد عيناك

بارت ١٧

حنين شادة راسها مكملة معاها : واخا افاطمة الزهراء .. غا بالشوية عليك قلبي لا يكون فشي بلاصة اخرى عندو .. عافا ابنتي غا تهدني بالشويا عليك ..

حطات التيليفون من يديها .. كتقلب فالجاكيطة حتا فتحاتها كتقلب للداخل .. كتشوفو كيتنفس قليل حتا بدات كتبكي لا يموت ليها فيديها تحصل فيه ..
كتفكر كانت بيخير و على خير خرجات مع ١١ الدنيا خاوية و البرد محرك خلا الناس داخلين فحالهم .. حتا فراش الشارع تلقاو ليها شي براهش هازين المضا باغيين شي تيليفون و الفلوش هي شي تيليفون ما جابتو و الفلوس عندها 5 دراهم .. كتشوف فيهم قريبة تبول هي كتقوليهم معندهاش و هوما لاصيقنها .. تا جا هو
" زَيـــد "

شدها من الجاكيطة براس صبعانو رادها وراه مواجههم
- زيد : اش كدير اصاحبي .. مالكم ادراري حشومة عليكم

- البرهوش الأول : بغينا تيليفون و نمشيو ..

- زيد : أ و الله لا ديتيه ..

- قربات ليه شويا فاتي كدوي : و راه اخويا معنديش نيت ..

- زيد دار شويا عندها وشوش ليها : غا سكتي .. (ضار شاف فيهم) كتستقواو على بنت ماشي حشومة ! ماشي رجلة ادراري ..

- البرهوش الثاني : اوا دابا شنو ..

- زيد : خليوها تمشي اصاحبي ديرها فحال ختك ترضاها ليها ! .. حنا غا ولاد الليسي مكنتوشيو لا خلصة لا جوج خليونا نمشيو .. خلينا من اللعب د الكلون .. سمع الكلام

- هانية ندوز عليك تانتا اش خاصرين .. غتحرك نخسر لخويا وجهو

فاطمة الزهراء بغات تسخف بالخلعة كتجر عندها زَيد كتخاف لا يجيبها فعظامو حتا سمعاتو نطق ..
- زَيد : تهدن اصاحبي .. باغي تفني حياتك فالحبس ؟ خدم و دخل الصرف بعرق كتافك .. تستقوى على بنت و دراعك اوكلوا عشرة !!

ناض الأول .. هو للي جاي جيهتها .. خطف ليها كارطابلها هارب فاش شاف صاحبو بغا اهبط المضى اقلب الضورة جارو حتا هوايا كيتجاراو .. زَيد بالاعصاب للي ركبو فيه .. واخا الدراري كبر منو كيقول غيديرو عقلهم كذكورة مكيحملوش للي ادوي ليهم على الرجلة .. ساعة لقاهم معفوط على نفستهم بسباط مغيس ..
لاح ليها كارطابلو مشا تابعهم كيجري .. المكيلخ بالنفس للحظة ناسي صحتو للي مقادا على زيار .. ضرب نص الطريق وراهم صافي حس براسو غرق بلا ماء .. كيقلب على متنفس فين اناجي ذاتو .. اقرب جنب وصل ليه گالس فيه .. متكي ظهره على الحيط شاد صدره .. كيقلب فالجياب ملقا والو بقا بالو مع الكارطابل للي لاح .. للي فيه اوكسيجينه ..
صافي كيشهد فنفسه الدنيا خاوية .. الشوفة تضببات و صوت ضيقتو و صدره للي كيحك كتسمع لمسافة .. صدرو كيطلع و اهبط حتا نعس على جنبو ممسوقش .. يدو على صدرو كالعادة مقادرش اتحرك مزال حتا غمض عينيه ..

خلطات عليه فاتي بلا عگز هزات كارطابلو من الارض تابعاه تحامي قالك .. يكفي مسكين دخل راسو فمعماعة ماشي ديالو .. كانت بيخير تا وصلات للجيهة الفوقانية مبان ليها حد .. كتقول مشاو عليها راجعة لبلاصتها لا اجي ميلقاهاش تما .. حتا عاودات ضارت فاش شافت كسدة بجاكيطة فالحمر مغلوق طايحة فالجنب .. هبط ليها فالركابي كتقول ضربوه لشي قنت بمسبتها .. مشات كتجري عندو كدوي ..
"اويلي اويلي اش داني ندوز من هاد الطريق اش داني" ..