و لي خلوة في رغد عيناك

بارت ٨٠

بحشمة و حرج لما عاشت معاه سكتات شويا كتفكر مكملة حنان بنفس الحماس و طاقتها المرحة ..
- حنان : مرتاحة معاه ؟ .. و لو يامات حاسة براسك لقيت شريك فيه !

حركات راسها بإيجاب حاضياها رغد بنيتها هازة ليها الهم و رادة البال لحركاتها ..
- اسماء : لقيته .. (شافت فيهم) كان مزيان معايا بزاف (تفكرات ذكرى من سيجوغ ديالهم) متفهم بزاف .. واعي و لو قليل الكلام و ماشي رومنسي بزاف و لكن نهار كيدير شي حاجة كنحس بيها ليا فريدة شكلها .. مكيدير والو اكثر من ما هو عادي و لكن كيخرج على سِكة اعتيادته كيبان لي اخر ..

- حنان بثبات : آخر من اينا ناحية !

وسطهم حانية راسها حتى قلباته لهاديك للي كتطمأن ليها .. رغد .. و لقيا الكسندريـــت بؤبؤها للي كيلمع مع زمـــردها خلاها تبسم براحة مكملة كلامها ..
- اسماء : الحمد لله .. حاليا و ما عشت معاه و نعم الزوج من النواحي للي تعاشرت معاهم فيه .. (حنات راسها كتضحك بسنيناتها) معرفتش شنو جايبين لينا الأيام و لكن حاليا مرتاحة .. (رفعاتو فيهم) زيد حنا وسطكم و خالتي حنان عارفاها فالذمة نهار نحتاج نشاورها ..

- حنان : عارفاكم باقين صغارات .. كنشوفكم بناتي و الأمور للي لا حرج بيها راه كنطقهم قدامكم تفقّهو فيهم .. حنا داويين فقط مكندير فبالي والو و ماكناخدش الأمور بحساسية .. بثلاتة بيكم انا هنا فاي حاجة .. صاحبتكم انا

- رغد : و طاطانا ..

شافت فيها معدلة جلوسها هزات يديها فطياتها حبة من الزريعة السوداء كتعبر بيها بتهديد ..
- حنان : وا ها حنا وصلنا لتخصار لهضرة .. كيفاش طاطا تاني .. (كتشير ليها كتشكم للبنات) شوف ليك والدة و حاملة و كتعيطلي طاطا ! حناك انا حناك .. بناتي صغارات اصلا ..

- رغد : ليان الكبيرة عندها 23 عام .. يامات زمان كيزوجوهم على 15 ..

- خدات وسادة بالفقصة ضرباتها بيها مطاكية عليها اسماء كتضحك : لوالديك ما شارفة غا مك ..

- رغد كتهزهز حجبانها : ماماتي النواور (مفكرة صورتها سايحة بيها عينيها كيبريو) زوينة يا طاطا مكرهتهاش حدايا غا سكتي ..

- ميقات فيها : المهم شارفة ..

- رغد كتفقصها باقي : بيناتكم عاماين ..

- وقفات ليها : لوالديك را كتجبدي حسي ..

كتضحك اسماء بيناتهم باقا هازا يديها كي الحكم لا تمشي تقيصها تعگرها .. و شيماء غا حاضية
- اسماء : وا حنان وا بنت العشرين گلسي نهضرو نكمل ليك ..

شدات على فكها بنص عين فرغد غا سمعات ما قالت و هي تگلس كتفرنس ..
- حنان : اوى عاوديلي .. على النمر ديالنا

- اسماء مهبطة يديها كتضحك كتسكت رغد بالغميز : اوى كنت سطخيسي [stressée] بلا قياس .. مشات لي لاكونصيونص [وعي] فلو موموه و حنا اونصوبل ..