و لي خلوة في رغد عيناك

بارت ٩١

تبسم محرك راسه ليها .. من نهار عرفها تأكد من وزن كلامها و حرفها الحر للي ما كيخرج حتى تفكر و تعرف اش جايب وراه .. كلامها جاه معقول للاخر لا غبار عليه و لكن هو ليه نظر آخر محاذاة بديالها ..
- محمد : و لكن رفعتك تستاهلي ا شيماء .. ما خديتكش من والو ..

- شيماء : ما قلتش لا .. لا كتاب لينا باقي و بطول العمر ساعتها عوضني ..

ببسمة محيد عينيه من عليها طالقها كي فكر فيها ..
- محمد : غا نتي فحياتي كيخليني نحشم نطلب حاجة اخرى .. ما سميتش عليك "الدعاء المقبول" من والو

الحمرة خرجات بعدما كانت ظاهرة بحشمة فالأول دابا راه تلونات فخطرة حانية راسها ..
- شكرا .. ان شاء الله تلقى فيا ما تتمنى ..

- محمد : راك كيف ما كنتمنى .. ما تحتاجي تغيير و لا تبدال .. كيف نتي باراكا ..

بخجل ثاني ظهر من جديد زيادة على الأول حنات راسها سكتات بلا جواب فقط حركات راسها بإيجاب متلفة بديك لاپاي للي مشات لفوهها مجموعين شفايفها الورديين متلفة الأمر بحركة تشغل بيها تيار الكلام ..
إلى ان كمل عينو عليها ..
- فين تبغي تعقدي فالدار و لا فالمكتب د العادل ؟

رمشات بخفة نزلات عينيها منه ..حطات الكاس من يديها .. زواجها الأول كتفكره بحذافيره و هي قدام العدول فالمكتب البارد لا رهبة و لا فرحة .. من عنده للحفلة للي دارو .. الكلاس فحال لا سنات على ورقة من خدمتها مرة و جوج .. و مشات فحالها خاتم ليهم ب "مبروك" حافية ..
.. مبغاتش تعاود التجربة .. ما بغاتش المقارنة بغات آخرى فمرة تبقى ليها متورخة تمحي للي فات ..
و ببسمة و حماس قليل من ما جاي ..
- لا مكانش مشكل بغيت فالدار .. قدام مالين الدار و حبابك ..

باقي فبشاشته ..
- محمد : مرحبا .. و دهازك ؟ شنو غنديرو فيه !

- شيماء : نتكاتبو بعدا .. عندي ما نغيّر فبيتك براحتي شفتو داك النهار .. و نيت نخرج و نرجع من عندكم براحة و انا كنوجد لدهازي بالشويا .. شنو بان ليك ؟

حرك راسو بإيجاب حاني عينيه حتى رفعهم غفلة بادي كلامه ..
- بالحق ضروري انطلعو للدار الفوق و نسكنو فيها ..

- شيماء بطلاقة : بالحق معنديش مشكل نسكنو مع ماماك و الله ..

- محمد : ماشي عليها .. و هي فقط الدار الفوق للنباتة اما را غنبقاو مجموعين ..

" التباتة " .. " غنبقاو " .. الجمع و ما لمح ليها مفهوم خلاها متزيدش وراه غا ..
" مرحبا ا محمد "

- محمد : فرشيها بذوقك وحدة وحدة على راحتك ..

- شيماء بلطف : واخا ..

- بحماس خفيف تحت ما يسمى بالثقل : گولي لي دابا .. امتى نعقدو ؟

- بخجل : للي بغيتي نتا ؟

- محمد مبسم بعينيه : الوقت باش توجدي .. انا واجد من غدا ..

بتفكير خفيف معوجة شويا راسها بدلع لطيف من الخاطر للي داير ليها بلا ما تحس .. نازل معاها الشعر على جنابها كتلعب بصبعها على جنب الكاس ..
- شيماء : ناخد غا واحد 15 يوم كونجي و لكن ضروري نخدم هاد 3 ايام الجاية .. نيت من هنا 15 يوم ؟