و لي خلوة في رغد عينـــــاك 🤎 [ الجـزء الثاني من "حنيــن" ]
يقول ..
تلقيت من روح الجمال رسالة
أضلت فؤاداً بالجمال يضلّل
تلقيتها والليل يطغى ظلامه
فكان بها الصبح المنور...
واحد صخر ممسروطاليهش رغد تزوج .. تا شكون هذا للي غيدي ختو .. كيدويو بالصواب عليه كيشكروه ليه .. عياو اقنعوه بللي راجل ففعالو .. تقاس و توزن من كل واحد بطريقتو و لقاوه استاهلها .. شنو المانع .. 15 اليوم و هو فارع ليهم راسهم .. بالحق بيناتنا كان غا من الحلق للفوق .. كان فرحان ليها ..
ليلة قبل نهار د الخطوبة كانو گالسين فالصالة الصغيرة كلشي مجموع على اتاي .. شي گالس فالارض متكي شي الفوق .. عمرهم ماحسو بالراحة فالتوجاد و التيسير إلا لفرح رغد .. سالاو قبل الوقت كلشي موجود و تريتور مفاهمين معاه على الماكلة اما التنظيم خلاو فراش الدار كبيرة قادهم .. السرابس خارجين و الفواط واجدين و القنات محكوكين ..
15 يوم كانت كافية انها تولف حالتها الإجتماعية الجديدة .. مخطوبة .. هي نفسها للي متكية بنص على حنان داخلة فيها تا هي كتوريها شكال اللباسي عندهم اجيبوه ليها لعندهم .. كدوز تصويرة و آخرى كتشاورها كتعطي رأيها .. تا وصلات لواحد جاها غريب .. حبات غرابتو .. قفطان خفيف فلون عمرها لبساتو كان موڤ .. كترمش كتخمم واش تدلي بإعجابها او لا ! .. شافت حنان دازتو واخدة المبادرة .. - رغد : عجبني داك الموڤ
- حنان : انا واحد ؟
خدات رغد يديها راجعة للي قبل واقفة فيه .. - حنان : هذا ؟
- رغد : اميما غا شي حاجة سامبل .. نلقا فيها راحتي .. (سكتات شويا) عجبني هذا ..
- ثريا : خليها ا ماما .. هي للي تقاد نهارها كي بغاتو
- حنان : صافي ارغد ؟
- رغد : وي صافي ميغسي .. عافاك انسيستي على غدا
- حنان : مرحبا ا عروستنا الفنّة ..
و كانت هادي آخر حاجة خصات .. و هاهوما سالاو فمرة ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و فدار مالك گالس وسطهم بهاء عينيه على موجدات نبيهة فوق و لتعجبه كانت شي حاجة ديال تحمار د الوجه مبين غلاوة ذوقها و علاش تفوح ..ميل فمو بدهشة .. كان كيقول واخا اطلبها مغتلبيش و لا واخا تلبي و دير، غادير شي حاجة لا علاقة، تعفط و كان .. و لكن دابا كيساري عينيه على ديك الطبلة الطويلة فين محطوطين الطبايق لا من ديكور و لا من شنو لداخل تفننات تا عيات واخدة لي ماغك .. واقفة على الشغل بديها و نيت عينيه عليها كتفيني آخر واحد بتفنن .. حداها أمل ميلة راسها شويا متبعة اش كدير شادة ربطات د لي كادو فيديها .. مخاطباه گالس حداه ياسر طالق رجليه شاد بيرميسيون من شحال هذا .. الراحة .. - نبيهة : اوا ا أمين .. خديتي الخواتم ؟
