و لي خلوة في رغد عيناك

بارت ٤٤

صبح الصباح عليها بأبيل منو عالمها راه جاي .. وقفات مشات بالزربة دازت توضات و صلت .. لابسة حوايجها دايرة جاكيطة خفيفة من الفوق .. هزات ساكها هابطة شعرها تابعها تا لقات تا صخر هابط لابس ..
- رغد : فين غادي ؟

- صخر طلع فيها و هبط : معاك ..

- تابعاه شادة قبيتو : علاه ؟

- صخر : گالهالي نسيبي شي مشكل ؟ ألا ! اوى يالاه ..

شافتو مشا خرج هو الأول .. عوال انغصها عليهم .. تا خرجات حنين هزا طاسة فيها شي لعيبات ادوزو بيهم نهار و تذويقة لمالك و فاميلتو من العيد فگلاسيير بعدما عرفات غاديين تا لعندهم .. خدات من عندها كلشي بايساها لايحة السلام على الجميع كيدعيو معاهم من غير الرجال للي شي خدام و شي خارج ..
خرجات كاملة تا لقاتو واقف حداه صخر كيتجمع معاه ..
و بحب و بهدوئها المعتاد .. قطعات داك الشارع غادا للجيهة لوخرى .. قطعات عندو مصبحة عليه تا تعرض لما هازا بيد و خداها بيد لعندو مقبل راسها .. كيشوف فيهم صخر ..
- صخر : اهاه هانية .. خود راحتك ..

- بهاء طلع حاجب : مشات ليك شي حاجة ؟

- صخر : لا غا ديتي لي ختي و صافي ..

- مراتي

- صخر كيتبسم ليه : گول و الله .. (شعل عليه) وا عرفناها مراتك كثرتي .. راها ختي قبل كتكون مراتك ..

- بهاء : المغيار لاخر .. طلعو نمشيو ..

طلعو و طلع هو اللور قاني عليهم .. جامعين يديهم عند بعض كيشوف فيه بهاء من المرايا و اردها ليه تا هو بتخنزيرة .. التيار دايز بيناتهم و هي غا كتشوف جابو ليها الضحكة .. حتى ضارت فاتحة ديك البواطة جابدة منها بتيبان ..
- رغد : فطرتي ا بهاء ؟

- بهاء : باقي (شاف شنو عندها) جيتي بلا فطور ؟

- رغد : وي مي ماما قدات لينا هادشي .. تاكل ؟

- بهاء : كون فطرتي تساينك تا تجي بخاطرك ! تت ا رغد ..

دخل وجهو بين الكوسانات ..
- صخر : تا انا و الله مفطرت انسيبي .. كنت غتسايني ياك ؟

- بهاء مبسمين ليه عينيه : بالعما .. و تگول ..

- صخر : راني عارف راسي عزيز .. (ضرب فكتف ختو) شفتي ارغد نتي للي مباركة فينا .. صافي ..

- رغد : ياك !
و هي كتسمعهم كيدويو قطعات شويا من للي فيديها مداتو لبهاء جا اتحنا ياكل .. واخا يديه ليمنية مكيدير بيها والو .. محس غا بصخر خطف ليه رزقو بغا اتسطى .. ميك ضارت عندو رغد عاطياه حقو حتى هو واخدو بالزربة من يديها واكلو .. المهم متوكلوش هو و السلام .. المرة الثانية كذلك مدات لبهاء يديها تا خطف ليه صخر واخا عطاتو فاش اتلهى .. محسو غا بفران سيك .. محيد السمطة بالاعصاب خارج محيدها حتى صخر حاس براسو مضبر عليها ..
فتح الباب البزربة مبعد شويا من الطوموبيل .. كيموت بالضحك .. كيشوفو جاي ليه ..
- صخر : راني مغيار انسيبي .. وا ختاي ا عيباد الله ..