و لي خلوة في رغد عيناك

بارت ٦

صباح غزال و جو اجمل ... فاقت نسات صخر و ما يجي منو .. فايقة راشقة ليها مكاين بو خدمة مكاينة خديجة مكاينة تخبية الراحة و السياحة و بروجيها و قرايتها ..
دورات وجهها لقات الصقيل مكاين حد بلاصت ختها خاوية .. فاقت غا بالشوية لبسات على رجليها الرقاق بانطوفتها .. حلات السراجم كتطل بنص عين من الشعا ديال الشميسة للي طلات عليهم بعد ايام طوال من الشتا و الغيام .. شافت فالساعة لقات راسها دازها موديل داك الصباح يعني غيبات .. رجعات لبلاصتها حتا عرات بلاصتها من الفراش اتهواو باش تجمعهم ..

خرجات دازت للحمام غسلات وجهها و هي تهبط لقات زَيد للي خرج مع 10 و ماماها فالكوزينة ..
- حنين : صباح الفل

- دارت عندها باستها و گلسات حدا خوها كيضحك ليها راداها ليه مع : صباح الزين

- حنين : كي صبحتي ؟

- رغد : الحمد لله مزيان خمرت هههههه مشا ليا النهار

حنين بدات كتحط قدامها الفطور .. حتا وعات رغد على راسها واقفة كتعاونها كتسربي راسها نيت ...
- حنين : عرفتك قارية خليك ترتاحي .. لا غيبتي نهار مغيطرى والو

- رغد : ههههههه واييه

- زَيد : بقاليك شهراين تهناي ههههه

- دارت عندو رغد كتضحك : واييه .. حتا نتا دغيا غدوز

- بتاسم زَيد حتا ضياقو عينيه : متفكرينيش

- رغد بنص عين : هانا ساكتة .. نجيب ليك كاس معايا تفطر معايا ؟

- زَيد : واخا

گلسات كتفطر و زَيد كيعاود معاهم الفطور .. حتا تزادت عليهم حنين بعدما شعلات البوطة على الغدا سالات الدنيا .. كيشربو اتاي كيضحكو و كتضحك حتا هيايا ..
مدازت تا نص ساعة هو اتفتح الباب .. حتا نطقات حنين
- معرفت شكون جا دابا ..

عوجات راسها تسمع ليها الصقيل حتا شافتو جاي عندهم وجهو حمر ..
- صخر : سلام

- جاوبوه : و عليكم السلام

- زَيد مسكين كيحاول اقاد الأمور : تفطر ؟ اجي اتاي باقي دافي ..

- شاف بنص فرغد للي ممعبراهش مكتشوفش جيهتو : لا بالصحة .. غنطلع للبيت عندي فرض العشية ..

- حركات ماماه راسها كتشوف فيه شويا كترد عينيها لرغد و ترجع ليه : واخا اللهم يسر ..

حرك راسو عطاهم بالظهر طالع فحالو خاطرو مهرس كثر من خاطرها ولد الهم واخا قويفز و خفيف حنين تا فاض غا حركيتو كتخللي البراني اشوفوه باسل ..
كتافو طايحين مهداااااان جاهم انورمال .. بالحق اضبر راسو مربيينهم للي دار شي مشكل احلوا راسو ..

ميكات دايرة عين ميكة .. حتا وصلات الحداش و نص ناضت من حداهم هوما للي تدهاو بالهضرة تا نساو الوقت ..
- حنين : انا نمشي نجيب ريم