و لي خلوة في رغد عيناك

بارت ٨٦

" كـاتيـــا "

هو اسم من خمس احرف من اصل يوناني ليه معاني كثار و لكن كيتجمعوا فكون الانثى المسماة به هي فتاة عفيفة، طاهرة، كريمة، صافية، نقية والتي تحمل مجموعة من الخصال الجيدة و الحسب و النسب .. مستحب اتسماو به المسلمات لمعناه الحميد و للي ما كيمس لا بالدين و لا بحاملته بسوء ..
و لكن كان غير هذا له معنى آخر لا رغد و لا لبهاء الدين ..
خصوصا هاد الأخير كان اسم كيسمعه كان كيرده مباشرة للصدر الحنون، للهجات و الجمال .. لأول اثنى اعرفها فحياته .. انثى تشع خلقاً و هي ساكتة على الظلم و تشع حسناً لمَلاحَتها اللطيفة فيعينين حبيبها الأول من صلبها ..
اما رغد فكان اسم كتقدره بزاف لروعته عمرها ما سمعات بيه و لا جا على اذنها .. ختارت تسمي بيه لكونه الأقرب لقلب "اُولْ ديالها" .. بغات تحييه من جديد اكمل بهاء الدين نطقه لإسمها المميز لبنيتة من صلبه كيف جا من صلب الكبرى .. اسم عزاتو بزاف نهار سمعات قصتها من مريم .. او نقولوا نهار سمعات قصة "أمين" الهجين كله .. نطقا و ظاهرا - و حتى مع المعاشرة لقاتو هجين - داخليا و هو مستثنيها عاطيها وجه ماكيتعامل به مع حتى واحد ..

رغد اختيارها للاسم المركب بقا فإتفاقهم .. وحدة منه و وحدة منها .. و لكن ديالها حيت أمهم تسبق تلغى هاد المرة لمعزتو عندها و للمعنى للي بغات تخلف بالإسم سبقات ديالو كباباها ..

اما روح .. هو الإسم الثاني ديال ماماها "حنين روح متقي" .. الاسم من ثلاث حروف كيعطوليها بيه جوج د الناس "عيسى" و جدها "مصطفى" .. هي ميصلاحش ليها احتراما و لصفتها عندها "مامي" .. و لكن هذاك الإسم الأقرب لها و هي كتشوفها روحها للي عطاتها الدنيا فيدين مفتوحين كيف بتلات الأمارلس الراقية .. زوينة و هادئة كيفها .. كانت ديك السيدة للي ما ولداتها، ما منها و ما عليها و لكن خداتها بقلب محب لدرجة بعد المرات كتشوفها كتفضلها على وليداتها للي من صلبها و لكن هذا مكيعنيش انها كتفرق بيناتهم بالعكس .. "روح" كانت عادلة بين افراد عائلتها كلهم .. لا تفريط و لا افراط ..
رغد بغات تسمي البنيتة على ماماها للي وهباتها الحياة روحيا .. هاذيك للي قتلا|ت و لو عن غير عمد باش تحميها .. هاذيك للي كتبغيها كيف ما هي ..
و اقل حاجة تقدر ديرها حبا فيها هو تسمي بنتها بيها ..

و هكا ترتيب للي ختارتو ل "كاتيـــا روح الفيـــزازي" معناه حرفي ان كاتيا الأولى او الثانية كانت و غتبقى روح عائلة الفيزازي كنواة فطياتها عائلات اخرين ..

... حط الستيلو فوق الوراق بجوج رفع عينيه باقي على السمية الطويلة واخدة غقله ..
- باقا شي حاجة أخرى؟

- لبنى: لا صافي .. البنية كالعادة مراقبة و نجيبوها ليكم (خدات ورقة خلات لو الثانية) هادي حتى دفعها للغيسيبسيوه .. (سكتات شويا مبسمة ليه) الف مبروك ..

محرك راسو بوقار ..
- شكرا ليك ا دكتور .. بارك الله فيك ..

- لبنى : مرحبا تقدر تتفضل ..