و لي خلوة في رغد عيناك

بارت ٣٠

مبانتش ليهم باقي خصوصا فاش سولات مريم بهاء "فينها؟" .. لا جواب كيشوفو حتى طلع مع الدروج للبيت فين كتنعس لقاه عامر .. عارفها بعقلها مغضربش كلشي فالزيرو .. رد الباب بيت فين كتبقى كي لقاه و مشا لبيتو فاتحو مظلم شعل الضو لقاها ناعسة رجليها عريانين من التكشيطة للي تهزات واخا نعاسها الهادئ .. داز لوجهها لقاها حاطة يد تحت من وسادتها فاتحة شويا من فمها شنافتها خارجة بالوسادة .. ضحك هز يزار من الجنب رادو عليها هازو على كتفها شويا .. باراكا غا الصهد و التكشيطة .. حنا عينيه ليها كيشوف فيها براحة ..

" الرهيفة لوخرى"

كان باش نطق قبل ميرد داتو للور فاتح شويا الزاج تهوى .. و عاود طفى الضو ساد الباب خارج ..

هبط علمها هي للي كانت كتساينو خايفة لا تكون قالت شي حاجة بلا عقل .. كتعصب كترفع الذاكرة بل كتوللي ممحية .. حمدات الله للي غا عيانة نعسات .. كملوا بيناتهم و فاش وصلات ديك 3 خرجات العروسة من تما كيصليو على النبي كلشي مهدود عيان لطوموبيلتو راكبين من تما راحو .. و راحو وراهم تا القراب للدار العريس ..

الدار للي كانت عامرة هجيج باقة عامرة الدراري كل واحد واخد قنت .. الدراري الصغار مليوحين فالبيوت مع واليديهم .. هو يكفي سد الباب على البرانيين اخليها مأمنة .. الفجر وذن مشا توضى خارج داخل للبيت هاز الصلاية سد عليها الباب مشا للطيراس صلى تما حط الصلاية متكي شويا عرف جاه نعاس ..
ساعة وراها فتح عينيه هربان عليه كيحس براسو شابعو .. هو الارق داير فيه مبغى من غير الايام للي كتمشي بيه عينو فمرة كيتطفى غير داري بالروينة د نفسيتو للي غارق فيه او كيفيقو عليه المواجيع مكينعس دقيقة ..
بقا متكي شويا سمع الحركة جمع راسو من تما القيل و القال اوليو علكة فالسنان .. ميرضاهاش لراسو و لا لديك بنت الناس .. هز راسو و مشا لبيت اكمل راحتو تما ..

دخل من جديد راد الريدو على الشعا .. خدا كاشة من للي محطوطين فرشها زاد عليها وسادة من غير هاديك ديالها للي متكية عليها، واخدها بالمهل خايف لا افيقها .. قاد بلاصتو بالخف تكا كيشوف فالسقف حتى عينيه ردوه لعندها .. عاطيهم تا هو الخاطر متبعهم .. كيشوف فيها شكلها واخد راحتو كيستكشفها .. خالة للي فحنكها نساها فوصفها حتى تفكرها من جديد .. كيفكر كيفاش من 2 متحركاتش ! امكن، او لا ! راه باينة عيانة .. طايحة دودة مكتململش ..
بقا هكاك كيطرح سؤال و اجاوب عليه .. نعومتها خلاوه تا هو اسافر معاها لعالمها خالط عليها لأحلام ارغبها تصالحوا .. ب"لالة رغد زينة السمية" ..

فاق هو الأول من جديد عقلوا ثقيل ضاير لجنبو كيشوف جنابو مفكر فين هو .. هز راسو للساعة لقاها 10 و نص گالس كيستغفر الله .. ضار لجيهتها لقاها تقلبات محيدة ليزار مخرجة رجل باين باطنهم الأحمر مواجه وجهو ..
جمع عينيه خرج من تما كيتكسل صوت الما كيتسمع ليه طل عليهم من الفوق لوسط الدار لقاهم كيسيقو صدى د السطولة و الهضرة داخلين طبلة وذنيه .. شاف فطيم للي كيعرفها مخاطبها ..
- أمين : لالة فطيم اش كديرو ؟