و لي خلوة في رغد عيناك

بارت ٧٨

الفرحة لعبات عليهم و عليها خصوصا .. بقاو مرتاحين فالفراش و يديه مفارقاتش الثوب على بطنها كيهزها و احطها بحلاوة لسانو خلات الفشوش ابداها .. مغمضة عينيها مستأنسة حتى مشات بيها للحظة غارقة .. العيا كلو لخصاتو مشات فالاحلام .. تنفسها المنتظم خلاه افهم حالها .. أخيرا ناعسة شويا ..

خلاها هكاك .. ناض من تما مشا دوش عليه من ستريس د ليلة معاها .. خارج من الدوش ملوي الفوطة على خصره حتى داز من حداه حابس حاني عينيه فالتيست للي باقي فوق الرخامة د لاڤابو كي خلاوه .. كيتبسم بصمت .. تنهد رافع عينيه فراسو .. مفتوحين على وسعهم وجه بشوش و كأن رغد ذوقاتو من السر للي طاح عليها .. بلا خاطره خرجات ليه ضحكة معكز على يديه للي طلقهم لحافة الرخامة .. ضحكة خرجو وسطها دمعات خفاف .. مشافو حد و مامعاه حد .. بغاو اخرجو خلاهم حاني راسو ..
حتى رفعو من جديد واخد النفس و طلقو .. مكحز داك التيست للجنب و يديه غادين للما بارد راميه على وجهه .. افيق شويا .. اتبرد .. انعش روحو للي فالنعيم ..

خرج من الحمام بثقل غادي لاغمواغ عازل ما يلبس بادي ستر ذاته .. لابس للي يخليه خفيف مهبط عليه الكاپِشوه على جسده المخرب عينيه عليها عاطياه ظهرها مجموعة على راسها و شعرها الذهبي مفرش على الوسادة براحة .. رمش شويا متنهد شويا على حالها كي بداها الأمر گاع ما هو اعتيادي فمنعم دابا غتخلص عليه بالضوبل فهاذا .. و على ذكر منعم كيفكر ..
"ياكما تكون حبلى من شحال هذا عاد بانو فيها الأعراض !" ..

شاف راسو بدا كيرون خرج من البيت هاز السوارت و بسطمو خارج من الدار اجيب باش افطرو و تفكر تاني خاصها تمشي بلا فطور لا طلبو منها دي زاناليز ..
وقف فوسط الدار جابد تيليفونو كيقلب .. و لقا بللي عندو الحق و لكن مامنعوش اخرج اتقضى ما كتشها نفستها عامة و ما كتبغي .. و نيت على ما يرجع ايمشيو ..

و كان ذلك .. بعد مدة من الزمن غادي طاير و راجع طاير غاسل طوموبيلته مزربهم .. لقا السقيل كيف خرج .. محيد سبرديلتو واخد لي ساشي مكمل للداخل حاطهم فالكوزينة على ما كمل كمل لعندها .. عزات عليه للي لقات راحتها و لكن صحتها هي الأولى ملقا راسو غا كيفيقها .. دايرها بين درعانه ناطق ليها " رغد .. فيق " مرافق بقبلاته لحنكها ذو الخالة دايرها مركز اهتمامه كيحط عليها شفاهه ..

و أخيرا فتحات عينيها ضايرة ليه عاقدة حجبانها للي لقات راحتها مفيقها ملاقيين عينيهم فالنص حاضية ديك المخالفة .. تبسم ليها ..
- يالاه نمشيو نشوفو اش طاري فيك ..

- رغد بصوت ثقيل : شحال نعست ؟

- بهاء : شويا .. نقضيو غرض و رجعي نعسي شحال ما حبيتي ..

- رغد كتكسل راجعة على ظهرها : واخا .. (خفضات يديها .. حلات عينيها على جهدهم) و الى صدق بصح !

- بهاء تبسم ليها : شنو للي بصح !

- تعگزات موسع جالسة : و الى بصح انا حبلى .. اش نديرو !