ديك الطلعة للي طلعات قدامو كانت آخر مرة اشوفها فيها .. الغد ليه خلاليها الفلوس كيف ديما و نوط حداها هاني مشيت للرباط .. مشا و رجع جايب التقضية .. و كيف ما خلا الدنيا كيف لقاها .. دازو ايام عمرهم متصادفو فيهم فاص .. القنت للي تعرفو غيعمرو كتخويه هي .. كيجي كتمشي .. و خصوصا مع الرباط للي كيشد ليه الطريق يوميا .. كيجي العشية كيلقاها مخلياليه الماكلة عرفانا بالجميل .. و داكشي لاخر المادي للي كيخلي كيردو للجيب ..
ماشي اول مرة .. عارفو رفض انها تشد من عندو الريال ..
مبرزط بالمامبا بزاف علاين احمقوا و هي جرحها للي مبغاش ابرا .. كتقيل كطل من السرجم ليزيكوتور فودنيها و موسيقى هادئة الى حدد الملل ترسخ فباطن عقلها و منساوش كلامها مع انس .. كلامها مع اسمه فقط .. كلامها للي كيتكتب فلوحة مفاتيح و كيتمسح فالأخير ..
غتقولوا فين أمين فهادشي .. فين تحزارو و فين و فين .. راه مخلوع كثر ما عمرو تخلع .. فايق ناضر حاضي جنابو كيقيل ادور على الدار فنصاصات د الليل .. رجع لوجه د الخدمة ..
أمين رجع و تمحا بهاء الدين ..
اليوم بعد 5 ايام .. رجع بكري على المتوقع كتغسل الماعن فاش كلات .. دايرة لي كيت مكتسمع والو .. عينيها طافيين .. حالتها حالة .. معلية شعرها للفوق كتنفس بريثم ثقيل .. دخل هو كيدور تا سمع صوت الما غادي ليه ..
شافها وقف متكي على حافة د الباب .. فقط كيشوف .. غيابها كان عليه تأثير و لكن ماشي لخاطرو .. هادشي للي كايطرى و للي واقع .. را عليها .. هز النفس مستنشق عبيرها للي فايح فالارجاء .. كيتسارجا شويا .. مغمض عينيه .. غا حبس الروبيني ساداه هو افتحهم طلبا اتخلوى شويا بعينيها من جديد ..
كيساين بأحر من الجمر .. و هاهية ضارت .. حروف وجهها خلاوه اتقاد فالوقفة حاضيها حطات داكشي ماسحة يديها .. مرماتش فيه الشوفة غادية خارجة .. صحيح قالت ليه يديك اتجمعوا و لكن مقدش ..
ضرب كلامها فالحيط شاد حوايجها من الكم بقرصة صباعو ..
- أمين : رغد صاڤا ؟
مجاوباتوش خدات ذراعها عندها بالخف طالعة من حداه .. معطاتوش وجه .. فعل حبس ليه فالحلق مقدرش اهبط النفس و لا اطلعوا .. تبعها بعينيه طالعة فحالها .. باينة غتسد عليها البيت تقيل فيه .. من جديد ..
دوز ديك العشية تا هو فبيتو دامق من ماكلتها للي مخليا ليه .. يموت و ميضيعش النعمة ..
من ديك الساع طلع حتى هو لبيت فين گالس اخلي ليها الراحة لا بغات تهبط بلا متحبس راسها ..
يوماين آخرين كذلك دازو .. هي سيمانة اخرى و ذخلنا ف3 د السيمانات و رغد خبارها مقطوعة ..
گالس حاضي التيليفون ديال ماماه .. هي فالكوزينة و هو گالس و على طابل باس كاينة ريم كتخدم تمارنها .. عندهم عطلة .. كان كيسول على رغد للي خبارها تقطعات نفس الهضرة للي كيقولوا لصخر كيقولوها ليه .. ميقطع الحبل غا اسماء للي تلاقاها مسولا عليها على اساس "عجباتها الگلسة فكازا" .. و ملقا راسو غا داخل لحبل الكذوب المهم ميكذبش واليديه .. هضر مع صخر عاطيه البلان و مافيه و ملقا راسو غا رابط الأمور و حتا شي لوجيك ما فيه ..
رجع بظهرو اللور طالق فماماه شوفات د الشك .. عينين البن المجبدين عامرين شك فللي ضاير بيه ..
وقف دار تيليفون ماماه فالجيب .. مقشع حد هو اتم طالع للفوق ..
أنت تقرأ
و لي خلوة في رغد عيناك
Roman d'amourو لي خلوة في رغد عينـــــاك 🤎 [ الجـزء الثاني من "حنيــن" ] يقول .. تلقيت من روح الجمال رسالة أضلت فؤاداً بالجمال يضلّل تلقيتها والليل يطغى ظلامه فكان بها الصبح المنور...
