و لي خلوة في رغد عيناك

بارت ٧٣

شافيها مزيان كيعبرها من تحت حاجبه واخد راحته إلى الآخر بالحق الكلام للي طلق عليه "البرهوش عقلا، الضخم حجما و الكبير سنا" باقي كيطلع فيه و اهبط خانق حسو .. و باش تجازيه ! ب "خسرتي الخرجة" ..
باقين حاضيها و هي كتلف عينيها فجنابها و فالناس للي كيشوفو فيهم .. حتى رجعات ليه لقاتو قاني فيها .. عينين حومر و رجفة خفيفة فالفم خلعها الموقف كله .. السيدة مامولفا دباز و لا روينة .. حاضيها جاتو السخفة .. مخرج شنافة بتفكير طلق من يديها للي كان جار .. شاف فجنابه
- بهاء : عندك الحق .. سمحيلي اختي للي خسرتها ..

كترمش شويا باقا معصبة خالطين الدراري تجمعوا الوسط ..
- زيد : گولّي .. من هاد الطريق كاين نيت ؟

- بهاء بثبات : وي كاين فلخر الزنقة ...

- زيد : واخا .. (بلطف انقص من جدية الموضوع) يالاه البنات تاني غيبقاو كيعزلو حتى لغدا

- فاطمة الزهراء داخلة معاه : ضروري نتوما للي قلتو الصالون وجه الدار ..

- داخل زيد بين رغد و بهاء جارو متقدمين : يالاه نمشيو ..

حركو رامي يديه على كثفه مقرب ليه كيدوي معاه كيبرده بيناتهم .. و البنات دارو رغد فالوسط باقي كتخرج نفس سخون ورا البكا داخلة فيها سميرة و الموضوع كِيفْهُم جابداه ..
- سميرة : ما شاء الله تبارك الله اختي رغد ما حسدتكم مي راجل .. مرضاش مراتو اشوف فيها غيرو و لا اتزلل عليها ..

- فاطمة الزهراء بخجل : قلت لزيد اتدخل قالي "خليه .. راه تقاص فشرفه "

كترمش شويا كتشوف قدامها .. حتى خرجات شبه بسمة خجولة لكي دار .. و كي تلاح عليه " المدام " باش نطق .. و البنات كيدويو و هي كتزاد فيها ضلعة مفرشة ليها و باينة ليها الوضعية اكثر .. كانو وصلوا لمول المحل علاياش جايين .. و كالعادة كأن محلات المغرب محلات ديال باه داخل كيعيط بخامته ..
" سي عبد الجليل .. سي عبد الجليل "

طل ملقى حد حتى جا متعلم صغير كيجري للمحل بكلاكيطة كطرطق وراه حتى وصل ليهم داخل .. شافو بهاء ..
- اهلا اصاحبي فين المعلم ؟

- المتعلم : شويا و اجي ا خويا .. اش حب الخاطر ؟

- ضحك شويا شاف فزيد للي مبسم و رد ليه عينيه : خلي حتى يجي .. معرفة ..

- المتعلم : مرحبا .. انمشي نكلموا .. شوفو للي بغيتو المحل محلكم ..

خرج خلاهم دار يديه فجيابه كيشوف فالخشب حتى خدا صبعه مدوزه على الحواف متلف الفقصة للي باقا عاصراه قالب قلبة وحدة ..
و بعد حين .. جا رجل كبير سنا معاه شاب اخر للمحل .. دخلوا لقاوهم واقفين بداو كيشوفو فيهم ..
- المعلم : السلام عليكم .. مرحبا سولتو فيا ..

- بهاء : سي عبد الجليل .. كيف الحال ؟

- عبد الجليل : الحمد لله ا ولدي .. اش حب الخاطر ..