و لي خلوة في رغد عيناك

بارت ٢٥

خرجو من تما بجوج جارا ديك الباليزة كيدويو كيسولها على حياتها و كتجاوب بطيبة .. طريق الرجوع خداوها تا جاها صوت الكلام من الجنب .. طلات عليهم من الجنب .. شافتها ما إيطو ..
ما إيطو : اَوْرَى اَيلِّي [اجي ا بنتي] ..

حركو راسهم لين كدوي .. شافت فيها مريم ..
- مريم : جبتي حوايجك حطيهم فالبيت مع مي و اجي را غنحط اتاي ..

- رغد : واخا .. كاين فاش نعاونك ؟

- مريم : كلشي موجود .. بغينا غا وجهك ..

- رغد : واخا ..
خرجات من حداهم دايا ديك الباليزة مدخلاها تا للبيت .. و فوقها حطات ديك الشاسية .. رجعات لبسات على رجليها خارجة .. كتخطوي .. وصلات لعندهم مع شافت أمين و عبد الله جايين داير يديه فالجياب كيدويو .. خداو بلايصهم و تشعلو ضواو للي مركبين على برى .. گلسو كاملين و هي ساكتة مكدويش باقا مكورة على بعضها .. خدات الساروت للي مخللي ليها حطاه قدامو .. بلا ميشوف فيها خداه دارو فجيبو ..
شافوها حتى هوما .. حتى دوى معاها ..
- عبد الله : كي جاتك الدار ؟

- شافت فيه قادات گلستها : زوينة .. أنير وراني الباب لاخر مكانش كيسحاب لي كاين داك الخير ..

- أنير : گلسنا أ با كتعاودلي .. عندها جوج خوت و ختها زوينة صغيرة عليا ..

- ضحكات مريم : صافي لقينا العروسة .. وريني عروستي ا رغد ..

كأنها سمعات لحن خاص بيها .. لمعو عينيها خلاو عينيه امشيو ليها مباشرة ..
- رغد : بغيتي تشوفيها ؟

- مريم : علاش لا .. بهاء الدين خويا و نتي مراتو عطيني نعرف عائلتك دابا ولينا نساب .. اش بان ليك ؟

وقفات بالزربة كي الزواق ..
- رغد : هي دابا ..

مشات قدامهم كتخطوي بالزربة بقاو كيضحكو فالتة ليه هو بنفسو ضحكة حاضي حركتها .. حاضيهم هوما كي مستمتعين معاها .. انير كحاز حدا باه للي صبر شويا داخل ارتاح على ميوجد العشا ..
"ديتي الكنز ا بهاء"

شاف فمريم للي كانت حاضياه و بسمتوا كي خارجة ..
- أمين : ياك ؟

- مريم : حسبني غشيمة .. و لا مقارياش .. و لكن سير معايا بالقلب .. حبيتها .. رتاح ليها خاطري

- أمين : اطولي عمرك .. گلتي كلشي و لكن نسيتي الوعي .. من ديما كنتي عارفة اش طاري ..

- مريم : ياك! .. عندك بزاف متعاودلي .. خللي نرتاحو و نيت نوجد اسئلتي .. غدا غتجي أميمة ختي مكتعرفهاش مع ولد عمي نيت غيجيبها ساكنين فنفس المدينة .. (شافت فرغد للي جاية هازة تيليفونها معلية صوتها) رغد .. تگلسو معانا ياك ؟

نطق هو ..
- أمين : لا اختي مريم نمشيو نرتاحو فدارنا .. غدا نسيقو الدار نخرجو الفراش .. اتبقى تجي تگلس معاكم شحال ما بغيتو ..

رغد كتشوف فيهم الا هو .. گلسات حداها هازة التيليفون ..
- مريم : نسولوا لالة رغد اش تگول ..