و لي خلوة في رغد عيناك

بارت ٢٨

تعشاو بلي كتاب .. لي باط للي بقات و عصير قادو بالخف .. من تما مشا اصلي للي فاتو متكي بلا نعاس من جديد .. فحين هي ختمات بالوتر ناعسة على السجادة ترتاح .. نفسيا .. قبل متنوض ناعلة الشيطان لفراشها ..

مستعدة لنهار جديد .. أملا يكون مشرق ليها ..

التحضيرات على قدم و ساق .. الزغاريت وصلوا لعندهم مخليين عينيها اتفتحوا على ضجيج الفرح .. المشي ديال الناس للي كيدوزو من حدا الدار و الغوات د الدراري الصغار كيلعبو ففم الباب .. حيدات عليها الغطا محيدة بيجامتها لابسة كسوة طويلة من هادوك للي كتعدي بيهم .. دازت غسلات وجهها توضات رجعات صلت قبل متزول عليها هابطة ..

رمات عينيها مشافتوش .. قلبات فالطابق لتحت كضور تا ضروها رجليها لكبر المكان .. رجعات للسيجور لقات الصينية تما محطوطة و اتاي فالبراد سخون بعدما لمسات حرارتو تعرف من امتى خرج رادة صبعها لشفتيها كتبوسو تحرقات ..
گلسات تما كتحاول تسمع الحس ساعة مسمعات والو .. كتفكر تا البارح مقال ليها والو على سفره او شي غرض اقضيه .. ناضت تسخن الملوي للي بقا تفطر بيه .. تا تفتح الباب داخل مدخل معاه عبد الله كيدويو ..

خرجات كتطل من قوص د باب الكوزينة .. شافوها هزات يديها كتشير من بعيد ...
- عبد الله : لالة رغد صباح النور اختي ..

- رغد : مرحبا بيك .. (شافت فيه) جبتي الخبز ؟

- أمين : اه صباح الخير (مد ليها الميكة) هاكي ..

- رغد خداتو من عندو : واخة .. صباح الخير ..

رجعات هي غا تسخن الملوي و تحط الخبز فالشبيكة فحين هوما مشاو لبلاصتهم واخا صغيرة مقارنة مع الصالونات و لا البيوت الثانيين و لكن كيرتاحو فيها ..
حيد أمين الغطا مفرش الفطور من الصينية ..
- أمين : اوى اش قلتي اسي عبد الله .. حنا خوت ..

- ضحك عبد الله كيشوف فالطبلة : اش غتقوليك .. ايه حنا خوت و لكن الخيمة غناخدها غناخدها

- أمين: لاش اتاخدها اصاحبي زگي معايا .. وا الدار كبيرة غا انا و رغد .. البنات ضربو فيه تمارة راها ديالكم قبل متكون ديالي .. (خدا يديه فاتحها راشق عليها) و الله كون ما نتا منلقاها هاكا .. رزقك اصاحبي ..

دخلات هازة طبسيل و شبيكة حطاهم كدوي ..
- رغد : رأيي من رأيه .. حنا عائلة وحدة و الفرح ادخل من عندكم ..

- أمين شاف فيها قلب عينيه هاز حجبانو : هانتا اش قلتي !

تدق الباب ناطق أمين بالجهد "دخل" مدخل حد ناضت رغد فاتحاه حتا جا داخل انير كيجري مشا تلاح على أمين معنقو ..
- أمين: غبرتي اصاحبي ..

- أنير : كان عندي فرض اعمي .. جيت عند بّا

- أمين : انا متجيش عندي .. ياك ؟

- أنير كيتيسم ليه : مشفتكش البارح ..

- أمين خداه كيشوف فعبد الله : شنو بان ليك ا أنير هاد الدار و لا خيمة ؟