و لي خلوة في رغد عيناك

بارت ٤٦

تدق الباب قاطع عليه راحتو ضايرة معاه للصوت .. تحرك فتحو لقاه واحد من الدراري عالمهم على البيفي د الغدا ... شكرو سد الباب راجع من جديد قدامو هي فقط .. و هاهو مبقاش بوحدو .. مشابكة صبعانها بسُمُو و كتافها واقفين .. كتشوفيه واخد تا هو اقرب حيط راد عليه ثقلو يديه فجيابو كيشوف فيها ..
- بهاء هاز حاجب : مالك على دوك الشوفات ..

- رغد : انا شوفات ؟ (كتشير بالسلب) مدايرة انا تا شوفات ..

كيضحك كيعجبو كي كدير فيها بريئة و كلشي مقصود ..
- بهاء محرك لعندها : نمشيو نتغداو ؟

- رغد : لتحت نيت ؟

- بهاء : وي .. غتعومي ؟ انمشيو لورى الصخر مكاين للي يشوفك تما .. ياكما غيضربك البرد ؟

- رغد بتفكير : امكن .. مي نو جو بونص پا !

- بهاء كحاز لعندها مقبل حنكها : انا نبدل حوايجي و نهبطو ..

- رغد : خود راحتك ..
گلسات فوق فراشهم حط قدامها لاڤاليز ديالها و حط حتى هو ديالو خدا تيشورت و شورط من الأول عوال اعوم .. كتقلب شنو غتلبس بحيرة تا شافتو كيفسخ صدايف القاميجة قدامها .. كتشوف فيه بنص عين مزولها كاملة حاطها فوق الكرسي كيتمشى مسفح قدامها .. ضار للحمام توضى باقي بالسروال طلقو هاز تيليفونو كيقلب على القبلة .. سرح السجادة بادي تكبيراته .. كتشوف فيه مفكرها .. خدات اسدالها موجداهم و دخلات للحمام .. موضية خارجة لابسة مفرشة ازار نقي وراه كتصلي ..
سلم ضار عندها .. عيونو تاهو .. كانت جميلة لحد الندرة .. ضور وجهو لقدامو حانيه فاتح يديه كيدعي .. عرفها سالات ضاير عندها ..
"خليك .. نصليو جوج ركعات"

حركات ليه راسها تطوعا .. وقفات من وراه كتسمعوا كيصلي بيها .. حتى سالا كيدعي بالجهد وذنيها معاه .. صوتو ذمار .. و لكنتو بوحدها .. سالا ضار عندها مقبل يديها المنقوشين و قبلات يديه كي كتشوف حنين كدير لعيسى مربيا على افعال فحال هادو .. كتشوف فيه بعويناتها .. معارفاش اش دارت فيه بالجيست ..
وقف مقبل راسها .. خدا شورطو بالسكات مشا مبدلوا تا خرج عندها .. هي للي كانت كتجمع اش لاح ..
- بهاء : صافي ؟

- رغد : نبدل غا هادو .. ناخد كسيوة نعوم بيها قصيرة سميطات نديرها من لتحت ؟ .. خاصنا ناخدو تا فوطة ..

- بهاء : واخا .. جايب معايا وحدة ..

- رغد : واخا ..
لبسات اخرى .. من لتحت زايدة اخرى من الفوق طويلة .. و لو مدايراش فولار إلا محتارمة راسها كتحشم من كلشي .. خدات تيليفونها مصورة اطلالة البيت مسيفطاها فگروپهم بيناتهم البنات مدخلة تا اسماء ..
دارت لقاتو فاتح الباب كيساينها .. ضحكات مخففة رجليها كتزرب حتى خرجات خدا يديها هابطين .. غاديين لجيهة الريسطو .. كيشوفو شنو دايرين .. خداو شي لعيبات شادين بلاصة كياكلو ..
- بهاء : رغد !

- رغد : امم نعام ..

- بهاء شاف فيها : نگوليك و ديني على قد عقلي ..