و لي خلوة في رغد عيناك

بارت ٧٧

دوزو ديك الليلة كاو و تبعوها ليالي آخرين مبقاتش كتحمل حس ديك العراسية روناتها حتى من الڤيديو للي صورات مسحاتو للي كيجبد عليها المواجع باراكا عقلها قاضي غرض .. جالسة على برى العشية هاديك .. متكي بهاء على رجليها .. كيتسمع ليه ضحك منعم لاصق على واحد القطة تاني خارجاليه من الجنب كتلعب معاه حاضياه رغد بسكات ..
تيليفون صونا .. جاذب انتباهها غا شافت ماشي ديالها هي تقلب عينيها لمنعم حاضياه .. فحين هو شاف الرقم هو اتقاد فالگلسة بغفلة منه .. راجع ليها فقط ما كيقول هو .

" وي اكزاكتوموه سي الفيزازي بهاء الدين .. داكوغ .. داكوغ .. صا ماغش .. تخي بيان .. وي داكوغ ان شاء الله .. ميغسي انفينيموه .. بون جوغني "

قطع رجع تكا على رجليها لايحة يديها على فروة شعره فارزة خصلاتهم .. سايناتو شويا داير راسو معلا بالوش مطرطقة عينيها فيه .. هي تبدا ترضي فضولها ..
- رغذ : مبغيتيش تعاودلي ..

- بهاء : هادشي فيه زردة و انا مسكين ما عندي فلوس ..

- رغد بحماس : حلف (نزلات راسو على الارض دغيا ضايرة عندو مقابلة معاه نازلة لمستواه شعرها تابع الجاذبية) انا نزرّد راجلي اش مشا ليك .. فرحنا معاك و متسالني غا للي تشهيتي نطيبو لحبيبي ..

- بهاء : تشهيتك نتي ا زين ..

بخجل رجعات تقادات فجلستها كترفرف شفرانها قدامها .. ناطقة بحروف طوال و صوت خفيف
- رغد : وا بهاء .. وا بهاء غتحمق حسي يا بهاء .. هانتا غتفقصني ..

- بهاء بضحكة شريرة متكي على ذراعو طاويها ورى راسو : وا نتي للي جبدتيني .. (مد يديه لجنبها) واخا يا لالة ..شنو طيبيلي ؟ ..

ثارها من جديد كحزات حداه اكثر فايحة تعطرا ..
- رغد : شنو بغيتي نتا .. (طرطقات فيه عينيها) للي حبيتي ..

- بهاء باقي على حروفو طالقها عليها : تقادي لينا التريد ؟ أ .. و نقوليك ..

- رغد : كيفاش حتى نقاده .. (قرنات حجبانها) دابا اتخليني هاكا حتى لغدا ؟؟

- بهاء : وا قلتي للي تشهيت (بنص عين) نتي و اجتهاداتك ا مولات الملوي ..

- دابا بغيتي الرفيسة غا حيت فيها الملوي .. (بفقصة) وا غا طحين و ما .. دابا غنبقى هكا غا بسباب الطحين و الما يا هاد الراجل !

- غمزها : نرجعو لما تشهيت الأول؟

ساينها كي كتشوف فيه .. ميلات راسها و جمعات الوقفة مقلقة شادة الضحكة على كي كيدير و لكن متوقعاتوش يلصق ليها على سيقانها .. كيرغبها ..
- ها العار ا مولات الماوي الجلسة ما تحلى بلا بيك ..

- رغد كتجبد : انمشي اصلا كيف كاينة كيف مكايناش .. فرح بالخبار غا بوحدك كي النحلة ..

- مخفضها عندو مزيرها : شفتي باش تعرفيني كننتج العسل ..