و لي خلوة في رغد عيناك

بارت ٢٠

سالات حتى جات حداها ثريا كتعاونها فالجميع .. ضحك و الهضرة حتى تفتح الباب من حنان عالماهم اهبطو .. خلاو للي بقا غا جات تهبط مع صونا تيليفونها برقم اسماء بفرحة استأذنات راجعة لبيتها قابطة الخط
..
- اسماء : فين اصاحبتي .. اش خبارك كي وصلتي ؟

- رغد : مزيان الحمد لله .. و نتي !

- اسماء : لاباس معلينا .. اخر الاخبار بعد غدا سيمينير باش اطلقنا تا لشهر 8

- رغد : امتى غنسوتنيو .. واش بنيتك !

- اسماء : كنكذب عليك انا ! .. كندوي معاك اصاحبتي را هادشي معروف المهم خاص ميفوتش العام و صافي

- رغد : صافي واخا .. فين مشاو صحابات دعوتك !

- اسماء فرحانة كتفرج فمسلسالها : معرفتش المهم مخليتوش ليهم ..

- رغد : ناري متقوليش فحالنا ..

- اسماء : لا جاتني الورقة انا اللولة كوني هانية ..

- رغد : ارضي عليك .. سمحيلي ا اسماء قجرت عليك ..

- اسماء : سيري تنعسي تقجار و لا معرفت اش .. تلااااحي نشوفك راني موجدة ليك مفاجأة نهار تجي (بدات كضحك مطولاها) غتعجبــــاااك ..

- رغد ضحكات لضحكتها : كتخلعيني ..

- اسماء : بعدي مني .. سي يو و سلم على كلشي .. بـــــاي

حيدات التيليفون من وذنيها محمقاها .. لا بل مخرجاها من عزلتها .. ماعلينا .. حطات تيليفونها فوق الكوافوز و سدات الباب هابطة تتعشا .. الصواني باتاي للي تعمر من جديد حتى بداو كيجمعوا داكشي احطو العشا ..
گالس وسطهم مبقاتش ليه الشهية .. غا جار رجليه و صافي مغادرتو مبقا ليها والو غيخلي كلشي وراه .. غا تفكر سبابو ظلامو عينيه و خفتو للي جابها لراسو .. تنهيدة خفيفة خلات راشد و من الجهة الثانية محسن اشوفو فيه ..
- راشد : امالك اعمي ؟ كول لاش حابس ..

- صخر : مبقاش عندي الشهية ..

- راشد : بيك شي حاجة ؟

- صخر : صعيب الحال ..

- راشد : صعيب على كلشي شادين راسنا و كان..

- محسن متدخل : يالاه نساليو نخرجو شويا اضربنا البرد

- صخر : واخا اعمي .. سمحولي كولوا ..

تكلى للي قسم الله .. العيا عيا و حلاوة الكلام بقوامو خلاو الليل اطوال و اوصل لآخره .. وقفو الدراري ناضو للبنات بالتشطاب و الرواين .. الرجال عطاوهم بيت فين ارتاحو و الشباب خرجو .. من غير عيسى للي خاصو ارتاح اوصل صخر و محمد للي خرج گالس واخد كرسي حدا الجردة .. اضربو الريح على ميدخلوا ادخل معاهم و نيت اخلي البنات على خير ..
تأنسطالا شويا حتى جا عيسى ضارب ليه ظهرو .. خدا كرسي اخر جايبو حداه .. محمد غا شافو طلعات معاه السخانة للموضوع للي غيجبد .. بعينين تالفين حتى استقروا فالارض كيسمع لكلامو ..