و لي خلوة في رغد عيناك

بارت ٧٥

"ألــيف الـروح ملــفت .. و لـو بيـن الحشــود"

كان هذا باش نطق ليها و هوما فعز خلوتهم من جديد .. ممفلتهاش فمرة تاني نازع شوقو منها للي مبغاش اتحد .. ذوات مجردة تتراقص عشقاً و ترتعش لذةً .. ايادي و احاسيس مشتركة بينهم عايشينها إلى الآخر .. نفسية مرتاحة و سكينة روح يهواه الفؤاد و يميل له مساخيش بيه الى آخر رمق.. يد على ذقنه و العيون على بعضيها نايمين بحميمية للجو و بحرارة المشاعر للي متلبساهم الى الآخر .. مقابل يدين على ظهرها غادي مع سلاسة ذاتها و اجتياح رغباتهم مغطية على كلشي .. مخرجة شخصيات أخرى متمكنة فيهم .. هيام و ألفة و فراش دافي عامر نسيمهم .. كان نسيمها و عطرها الفطري طازج الطبع فايح اكثر ..

و كان العشق غلاب ..

" صميـــــم عندي انت من الكل "

.. الشعر الذهبي فوق ذاتو بالجاذبية واخدين لحظة مرتاحين فيها .. كان اعتراف آخر مباشر وسط الصمت الشاعري مفهمش فحوى الكلام .. حاضي عينيها للي على شفايفو ..
- يعني .. كتعايريني و لا كتشكريني ..

- رغد بغنج : شنو كيظهر ليك ؟

- بهاء : كيبانلي معيورة .. و لكن أخيرا للي سمعت منك حرف عليا .. باراكا ..

- رغد ببسمة خاتمة : واخا .. للي بان ليك ..

سكتات و سكت ساينها مكمل بفضول ..
- بهاء : مغتگوليليش دابا .. فقهيني .. غزَلك صعيب (ضحك) كنت كنگول فقط انا للي كنعرف نعبر .. گولي نيڤوك طالع عليا .. و انا نفهم صمتك !

- رغد ببسمة مدوزة صباعها على شعرو مركزة معاه : لا .. لا .. درت مجهود كيف كديرو .. قلت نجرب نقول ليك شي حاجة بلُغتك ..

رافع يديه لشعرها رادو لورا وذنيها يبانو ليه حروف وجهها
- گولي لي و رحمي فضولي .. 

- رغد بالسلب : غنجرحك و لا غنهرس ليك قلبك ..

- تبسم شويا : قابل .. لا غا نتي للي غتهرسيه .. ليا الشرف ..

وساعت بسمتها اكثر مخرجة سنيناتها منغمة ببسالتو ..
- عندي الحق نرفض ؟ ..

بهاء و صبع بتموج على جلدها واخد الإنطلاقة من عنقها
- تخلصي بالغالي ..

بخفوت إلى فحيح و بطِيب من صوتها الخفيف
- رغد : نخلص بيك ! هاد الساعة نتا الأغلى ..

بوجَد سكت لوهلة منغم باللحظة مكمل ..
- عوالة تحمقيني ! .. كيبانلي غلطت للي خليت لك الحرية فالكلام .. مبقاتش لي الطاقة قدام حروفك .. يكفي عينيك دايرين فيا ما بغاو ..

هأهأت بخفة مقربة ليه اكثر متسلّلة مع ملمس ذاته ..
- رغد : فيهم بجوج تعلمت منك (سكتات بعفوية عضات على شنافتها السفلى بغنج) من أول حكايتنا كنت تلميذتك .. كنتِ الأول معاي فكلشي من ما مشاركين فيه بجوج ..