و لي خلوة في رغد عيناك

بارت ٩٣ و الأخـــير

ضحكة طويلة جات وراها .. قهقهات من جوفها طوال الى ان علاين اتحبس فيها النفس .. كانت دهشة مع صدمة مشتركة مع فرحة .. وسطها ضاحك كذلك مديماري خارج القنت فين حبس لحظتها .. طريق طويلة كانت واخدينها بجوج .. كانت جموع موضوع العرس غالب و هوما كيعبرو لبعض الأجواء مبغاش اخرجوا ليهم من العقل .. مع غزل كل مرة منه و هو كيتفكر حلتها امامه و هي لدابا باقا عينيها فيها فرحة الكل ..
كيفاش ما كانت هازا همه زال و ساب ككابوس ؟ ..
كيفاش على شويا هاد الفرحة كامة للي عايشة فيها كانت غتحبسها على اعتقاد غالط منها ؟ ..

الى ان شافت قدامها مبسمة شويا و الفجر فجّر فمرة و شميسة فطريق الظهور مع ريح خفيف من جبال باقي مرافقهم فرحلتهم و مشيتهم الطويلة ..

و عليه دخلوا أخيرا مكناس ..

جامع صلّاو فيه خارجين بعدها واخدين فطور فكافي تمايا باقا كتمشى بالابيض كحمام السلام معندها كسر كأنها عوالة تقول للجميع : "شوفوني .. انا عروسة" ..
محطوط قدامهم ما طلبو كياكلو مبسمة و الشمس مطنطنة خارجة سخيخنة ..
- قولي ا محمد فين غنمشيو .. الجبال نيشان ؟

محمد حرك راسو بالسلب ..
- لا غا نطلعو لإفران نرتاحو بعدا عارفك عيانة نتي الليل كله كتجمعي معايا .. (سكت شويا) نخليو حوايجنا نطلعّو الأساسي بعدها تجربي واحد الليلة كاينة بلاصة تما زوينة مأمنة .. و لا مرتاحة (تبسم) نزعمو على بلايص آخرين ..

- حركات راسها بفرحة خفيفة : واخا .. و فايت مشيتي لإفران ؟ قريبة من الجهة الأخرى غا طولتي الطريق ..

- محمد منزل كاس د القهوة من فمه : معارفش فيها خير (ضحك شويا) .. على افران مشيت ليها ماشي مرة ماشي جوج و إلا مكنتش غنعرف البلاصة للي گلت ليك (ببسمة) ان شاء فين نمشيو اعجبك ندوزو ليلة تما .. بعدها نطلعو لأصيلة تما كالم مكاين للي يقرب و الجو ناضي ..

- شيماء ببسمة مع كلامه : سعداتك عشتي حر .. (حلات عينيها) و لا معجبنيش التريپ اش نديرو ؟

- محمد قرب لها : معنديش مشكل نديرو للي بغيتي نتي .. و لا خاطري شي نهار فما بغيت (فرنس ليها) غنجرّك بزز ..

- ضحكات ليه شيماء كتحرك راسها : دابا واخا .. دابا دوينااا ..

- محمد : ياك راك دابا فيدي .. نزعموا اش خاسرين حنا ..

تهدنات من ضحكها و هو هبضها ب"بزز" حمسها .. رفعات عينيها فيه بالشويا حاني راسو فما أمامه .. ببسمة روح نطقات ..
" والو .. مخاسرين والو " ..

كملات فتفكيرها "لو مزعماتش لا خسرات ديال بصح" .. و هرسه هوايا بالكلام من جديد ممخليلهاش نقطة وحدة باش تغرق فما فبالها .. سنينات خارجين لبعض حتى خرجو من تما بعدما خلص واخد يديها عنده دايرها وراه شويا كيدور عندها و اتكلموا مزال ..مكانوش مواضيع مهمة و لا شي حاجة للي خاصها التفكير .. فهو بنوعه عفوي بلا قياس غا ما كيجيه فبالو اقولو بصوت مرتفع كيفها هي للي كيتداخلو كلماتها كلماته و اطوال الحديث ..