حكاية ظلام (مكتملة)

حكاية ظلام انت اختيار 30

من بعد العشا، تعاونات ايناس و كريمة على الماعن ديالو و فلاطابل اللي موراهم جالسة ام جواد مجمعة معاهم و مونساهم في حين هند كانت مع ولدها كتنعس فيه، غير تأكدات بلي غرق فنعاسو، خرجات من بيتها و توجهات نيشان للكوزينة منين جاها صوت ايناس مع صاحبة دعوتها... دخلات عليهم بوجه ما كيتفسرش و قصدات كريمة نيشان دفعاتها من كتفها حتا دارت شافت فيها باستغراب ممزوج بدهشة

-كريمة: اااح، ختي هند اش كاين

-هند بعصبية: ماخت حد انا، عند بالك غندوزها لك طريفة ؟ عجباتك الحالة اللي وصلتي لها ماما؟؟

ايناس غسلات ايديها بسرعة و مسحاتهم قبل ما تجي قدامهم فارقة بيناتهم و ام جواد بدورها وقفات مور بنتها كتشوف فهند و الشرار خارج من عينيها بالعصبية

-ام جواد: هند بدلي ساعة بخرى را هاد الليلة ما غتخرجش على خير

-هند بصراخ: انا باغاها ماتخرجش على خير، اش فجهدك ما ديري زعما، غادي تصيفطوني حتا انا للسبيطار؟ غترتاحو الا تهنيتو منا كلنا باش يلاه تفرحو بالتواسع و بالرزق ياك؟؟

-ايناس دفعات ختها و نطقات بحدة: واش نتي مريضة، اش كتخربقي؟

هند تخطاتها و قربات من كريمة شداتها من شعرها حتا غوتات قبل ما تفكها منها ايناس و ام جواد اللي كل وحدة فيهم جرات لوخرى عندها

-ام جواد بصراخ: لحد الان محتارماك على قبل خووك، بدلي ساعة بخرى قبل ما ندير فيك انا شرع ايدي

هند كتفركل بين ايدين ايناس اللي مزيرة عليها و ماقادراش عليها بحكم وزنها الزائد مقارنة معاها هي

-ايناس: وا هند غيطلع اسماعيل و غنوليو فحوايج خرين و ماما عاد نعسات مابغيناهاش تاني تمرض، نعلي الشيطان الله يرحم الوالدين

-هند ماتسوقاتش لها: انا غنوريهم شنو هي يجبدو الصداع بين الولد و مو، باغيين يدخلو بيناتهم ماحاملينش يشوفوهم مفاهمين بغاوه يولي يعبدهم، والله لا كانت لمكم

-ايناس: وا هند را ماما اللي غالطة را هي السبب فگاع هادشي اللي وقع

-هند دفعات ختها حتا رجعات حدا كريمة: شفتي نتي براسك فصفهم، كتدافعي عليها بحال ماشي مك اللي باتت البارح فالسبيطار، ماما كانت غتم•وت بسبب هاد الشيخات و نتي مازال كتدافعي عليهم

قبل ما تجاوبها شي وحدة دخلات عليهم ام ايناس اللي كان باين عليها بلي فاقت على غواتهم و صداعهم، شافت فيهم وحدة وحدة و نطقات و هي كتشير على برا