تشغلو البنات بالتوجاد للنسا اللي غيجيو مور الغذا، ايناس دوزات صباحها مع عگوزتها و ريم حتا التحقات بهم ابتسام و بنتها و فوقت الغذا جات حتا مها و هند و ماعاودوش فرقوها حتا وصل الوقت اللي كان خاصهم يوجدو فيه ريوسهم حيث المعروضات بداو يجيو......
فبيت البنات، كانت ايناس واقفة لابسة قفطان بلا حزام و عاطية بظهرها لسليمة اللي كانت كتصاوب لها فشعرها غير سالاتو لها تحسسات لي بوكل ديالو بابتسامة
-ايناس: صرعتيه، هاكا كنبغيه
-سليمة: تعلمت منك اصلا
-ايناس: شكرا الزين
-سليمة: مرحبا حبيبة
-ايناس: كوثر واش امينة ماغتجيش؟
كوثر كانت قدام المراية كتصبغ فوجهها غير سمعاتها هزات عينيها فختها لقاتها معلية حاجبها كتسناها تجاوب
-كوثر: لا غتجي واقيلا، يمكن غيجيبها خوها
-ايناس حركات راسها بالايجاب: مزيان، واش ساليتو؟
-سليمة: انا ساليت
-كوثر: انا مازالة غير سبقوني
-ايناس: سليمة شدي فيا حتا نجلس حدا ماما واخا
-سليمة: كوني هانية، انا غنبقى رادة معاك البال حتا الا بغيتي شي حاجة تلقايني
-ايناس: واخا....
شدات فذراعها و خرجاتها للصالون فين كانو النسا جالسات، اكثر حاجة كانت خالعاها هي تسمع من شي وحدة كلمة "مسكينة"، المقربات منها كلهم وصاوهم البنات باش مايبينوش تعاطفهم معاها و هادشي تحت رغبتها هي حيث من الاصل كلامهم ماغيزيدها والو اللهم يخليوه عندهم، كانت خايفة من البراني اللي ماعارفش داكشي علاش دخلات على اساس كتشوف باش ماتحسس حتا وحدة ماكتعرفهاش بشي حاجة......
جلسات حدا مها و ختها اللي كانت خاشية وجهها فتيليفونها كتقرا الميساج د زهير بابتسامة استهزاء و هو كيعلمها بلي وكل جاد و مونس بيه و توحشها قبل ما تحس بشي وحدة جلسات حداها، جمعات تيليفونها و هزات راسها لقاتها نعمة
-نعمة: فين وصلتي؟
-هند: هاني غادة، كل حاجة فطريقها كيف فبالي
-نعمة: و قرايتك؟ باقي لك تقريبا قل من شهر باش تدوزي امتحاناتك
-هند: مابانش لك تحت عيني كحل؟ عاطية لاطاك و دايرة كثر من جهدي، بغيت غير امتا نشد الباك باش نخلي زهير يخلص ليا المدرسة اللي باغا ندخل لها
أنت تقرأ
حكاية ظلام (مكتملة)
Romanceالقصة كتعالج موضوع الارملة و معاناتها مع ام زوجها اللي كانت رافضاها، كتعالج موضوع العلاقات السامة و كيفاش اثرات علاقة سابقة على نفسية البطلة لدرجة تعقدات من الرجال و من الزواج، كتعالج موضوع الخيانة و الغذر كيفاش زوجة داتها غير فدارها و فالطلامط و ال...
