فبيت الجلاس، الطبلة قدامهم مازال عامرة بالخير اللي حطو لضيوفهم و هما جالسين دايرين بها من غير ايناس اللي دخلات لبيتها تبدل القفطان اللي كانت لابسة و تغسل وجهها من الميكاب، لبسات بيجامة قطنية د الدار و خرجات لعندهم لقاتهم كيهضرو على العشية كيف دازت
-هند: مو كتبان ظريفة، باينة عجباتها ايناس
-ام ايناس: غير الا مابغاتش تعجبها، مافيها ما يتعاب
جلسات ايناس حدا خوها اللي نطق ملي شافها
-اسماعيل: مرتاحة؟
-ايناس بابتسامة خجل: مرتاحة
-ام ايناس: و علاش ماتكونش مرتاحة؟
-هند: واش ما حسيتوش بالسيد زربان؟ يلاه جا اليوم تعارف و قال لك بغا العقد ف 15 يوم، بزاااف
-ام ايناس: و على شنو بغيتي؟ يجرجرها بشهورة؟
-هند: ماشي هاكاك، بعدا ياخذو وقتهم باش يتعارفو و تعرف عقليتو كيف دايرة عاد يتزوجو، دابا تخيلي يتزوجو و تكتاشفو شي معقد منو ماكاين شنو دير ديك الساعة ؟
-اسماعيل: السيد باغي راحتو، الا مادارش العقد ماغادي يهضر معاها ما غادي يتعرف عليها و زيدون حنا علاش خليناهم يجلسو ليوم را غير باش يتفاهمو مبدئيا و كل واحد فيهم يعرف عقلية لاخر
-ام ايناس لايناس: كيف جاك ا بنتي؟ واش معقد بصح؟
-ايناس: بالعكس ا ماما، السيد عادي و عقليتو عادية متشبث بدينو و صافي و داكشي اللي طلب مني من حقو
-هند: اش طلب منك؟
-اسماعيل: و نتي مالك؟ بينها و بينو
-ام ايناس: خليها تقول لنا نعرفو فاش هضرو (شافت فبنتها) قولي شنو طلب منك؟
-ايناس: مانبقاش نسلم على الرجال و مانجلسش فالبلاصة اللي يكونو فيها اللي ماشي من المحارم ديالي من غير عمر حيث عارفو بحالو بحال اسماعيل
-اسماعيل: من حقو، عمر براسو خاصكي تعطيه بالتيساع واخا هو قال لك هانية، داك التعناق و التسلام بالوجه معاه من الاحسن تحيديه
-ايناس: اصلا هو وصى على هادشي نيت، نجلس معاه ماشي مشكل و لكن ديك العلاقة المقربة اللي كانت بيناتنا مابغاهاش تبقى
-هند: والله حتا كنت عارفاه معقد، واش من نيتو هذا؟ ياااه على تفكير
-ام ايناس: من حقو بصراحة، السيد مغيار ماشي معقد.. اوا و خدمتك؟ و الماستر اللي قلتي ليا غاديري؟
أنت تقرأ
حكاية ظلام (مكتملة)
Romanceالقصة كتعالج موضوع الارملة و معاناتها مع ام زوجها اللي كانت رافضاها، كتعالج موضوع العلاقات السامة و كيفاش اثرات علاقة سابقة على نفسية البطلة لدرجة تعقدات من الرجال و من الزواج، كتعالج موضوع الخيانة و الغذر كيفاش زوجة داتها غير فدارها و فالطلامط و ال...
