ايناس حلات عينيها كتحك فيهم، حجبانها معقودين الوسط و قلبها كينبض بعنف ملي تفكرات شنو وقع لها قبل ما تحس براسها مخبوطة فالارض، غير شمات ريحة علي و سمعات صوتو تقادات فجلستها كتقلب عليه بايد و الايد لوخرى مازال كتحك بها عينيها، غير شدات فيه نطقات بنبرة كترجف باين فيها الخوف
-ايناس: علي
-علي زاد قرب منها شاد فايديها اللي شادة فيه: ايناس باش حاسة؟ لاباس دابا؟
-ايناس: انا فالظلام، علي انا فالظلاااااام
علي هز راسو فمو و مها عاقد حجبانو باستغراب قبل ما يعاود يشوف فيها هي اللي كتحك عينيها بعنف
-علي: ايناس شنو واقع لك؟؟ ماالكي؟
-ايناس بدات تبكي: انا تعميييييييت، تعميييييييت
استغرابو تضاعف و الخلعة تسربات لقلب مها اللي تحنات لمستواها دورات لها وجهها لعندها
-ام ايناس بهلع: ايناس بنتي تهدني و غير بشوية عليك نتي بيخير و ما وقع لك والو يمكن غير الخلعة اللي شداتك
-ايناس بانفعال وسط دموعها: مامااااااا كنقول لك ماكنشوف واااالو ماكتبان ليا حتا حاجة
-ام علي تخلعات: ا بنتي استعيذي بالله من الشيطان الرجيم، را كيفما قالت لك ماماك يمكن غير الخلعة اللي خلاتك كتشوفي و الضبابة فعينيك
-ايناس زيرات على ايد علي اللي كانت مازال شادة و قلبات وجهها ليه و هي كتشهق: علي والله ما كنشوف شي حاجة (عاود فركات عينيها بايديها بجوج) وااالو وااااااالو مامضباش شوفتي انا ماكنشوف وااااااالو
ذاتها كلها كتهز بالتنخسيس و هو حداها مصدوم، بحركة لا ارادية هز ايديه قدام وجهها دوزها فالفراغ لقاها ماتبعاتهاش و غمض عينيه و هو شبه متأكد بلي كلامها صحيح، شدها من كتيفاتها زير عليها حتا هزات راسها و نطق بهدوء متناقض مع الصخب اللي فجوفو
-علي: غيكون السبب غير الطيحة اللي طحتي (تحسس الكدمة اللي فجبهتها و اللي كانت بدات تزراق) كليتي دقة خايبة فجبهتك غالبا هي السبب غنمشيو دابا لوبيطال و نعرفو شنو كاين واخا؟ دابا تهدني را ما واقع والو ان شاء الله غترجعي بيخير
"ما واقع والو" جملة ماعناهاش نهائيا، كان عارف بلي واقعة شي حاجة و شي حاجة اللي خايبة بزاااف و هاد فقدان البصر اللي جاها اكيد موراه شي سبب قوي و كيطلب الله يحضر السلامة من شنو ممكن يسمع من الطبيب اللي غيشوفها...
كيفما هدنها هدن حتا مو و نسيبتو و علمهم يبدلو لها حوايجها و يخرجوها قبل ما يخرج من البيت حادر راسو و كيزرب فخطواتو فاتجاه برا القاعة فين كان عمر و اسماعيل واقفين كيتسناو على الجمر و هما ماقادرينش يدخلو يتبعوه، غير شافوه ماتسناوهش حتا يوصل لعندهم هزو ريوسهم و جراو لعندو
أنت تقرأ
حكاية ظلام (مكتملة)
Romanceالقصة كتعالج موضوع الارملة و معاناتها مع ام زوجها اللي كانت رافضاها، كتعالج موضوع العلاقات السامة و كيفاش اثرات علاقة سابقة على نفسية البطلة لدرجة تعقدات من الرجال و من الزواج، كتعالج موضوع الخيانة و الغذر كيفاش زوجة داتها غير فدارها و فالطلامط و ال...
